Room 8:32 - Tampulma

³² Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

Room 8:32 ပူးပေါင်းရင်းမြစ်များ

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Mat. 7:11

Ma ya nibin tagna, amaa ma zim chenani ma zi kpa kiwere a nyɛ ma bisi ni. Ma kunyan Koosa naa nyɛn o tɔha ti ni, waa kaali ma a la kpa wu were a nyɛ ba naa la sumi un ni.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Room 11:21

Koosa wa fun te kpak siki a li bugil ti hulsi ta ni a teŋsi a a ta. Ma doso ka o zi wa teŋsi mau a ta.

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

1 Kɔr. 2:12

Ya wara tiŋ nibinsa zimirɛ. Koosa funɛ zer o siim weri ti a du ya bambe ni, chen ni ya zi kotiu a zim o siim weri papaha naa o fun kpa nyɛ ya.

2 Kɔr. 4:15

Yaa di namsiu a chi nan ma Yesu nitiŋɛ ta daha. Chenani Koosa suŋi nidamata ba wa zim un a gbaari, ma zaami awa ma Koosa pɛgi zi lagmiu a gbaari.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

2 Kɔr. 6:10

Ya tusa yaa chɔku a bu sɔɔni kinkan. Ya ya fara timwa, amaa ya suŋi nidamatau kinkan di ba wa zim Koosa. Nibinsa lisi di ya wa kpak kundɔŋ, amaa ya waa ka dɔ kina maga.

1 Jɔn 4:10

Ya laata te a daŋni Koosa, amaa waa te o daŋni ya. O funɛ tum o beu di o wa sou a lisi ya a li Koosa paan ni. Chen biksi ya o wuti daŋni.

JɔnN Deesi 21:7

Ba naa maga kpak nɛnɛ hali a la tel o bɔ, mu zi nyɛ ba nyɔ dooniu. Mu zi ya ba Koosau ka ba ka ya mu bisa.