Room 8:18 - Tampulma

¹⁸ Mu zimu di o jirima awa o chaani naa o wa ya zi wa bɔni gbampulim ni wuzi digi kaali namsi naa ya na lalaknɔ nan hali a la gali.

Room 8:18 ပူးပေါင်းရင်းမြစ်များ

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Room 8:19

Kin naa maga Koosa fun naami chen, pɔ a la saha naa Koosa zi wa kpa o jirima awa o chaani kinkan a nyɛ o bisi ni a li gbampulim ni.

Kɔl. 3:4

Saha naa Kristo naa nyɛn ma ni, wa bur wa tɛɛnɛ nɔ maga, ma wa un zi wa lagmi dɔŋ niu a bɔni o jirima awa o chaani kinkan.

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 11:35

Koosa funɛ lɛli nihaana ba naa se su un, nisitɛ a li ba sou ni. Ba fun kpaksi bɔnɛ a ŋɔ ba di ba vɛ Koosa, ba zi na nyinbaanu a chɔ li. Ba ka funɛ na namsiu kinkan a sou, chen ni Koosa zi lɛli bau a du nyɛni naa weri a kaali chenani ba fun te nyɛn ni.

1 Pita 1:13

Adaha ma saksi chenani ma lisi a ya bambe tima a kpak bambi bɛgim a li chenani Koosa zi wa suŋi ma. O be Yesu Kristo wa bur wa nara suwachak ni, Koosa zi ya chenu.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.