Room 5:18 - Tampulma

¹⁸ Adam funɛ tum tum tagin saha digi, Koosa fun na nara maga galimsa a la zi wa ta ba yɔri. Yesu funɛ sou o daakakli ti ni, chen nyɛ Koosa bu vɛ koti a na nara maga galimsa a kpa o mi fali ti a nyɛ ba.

Room 5:18 ပူးပေါင်းရင်းမြစ်များ

Jɔn 1:7

Koosa fun tum un di o biksi nara fitin ti wɛ, chen ni ba zi na nyinbaanu a nu o sɛma a nyɛ ba se wa su un.

Jɔn 12:32

Ba wa kpaasi min a mari daakakli ni di mu sou, nidamata bambe zi nyɛn min niu.”

Jɔn 3:26

Ba fun wa ŋɔ Jɔn ni, “Ya kunyana, i lisi baal naa funɛ nyɛn i wati a li Jɔɔdan mɔɔga jibaŋ kinkin ti ni awa chenani i fun ŋɔ ya o wɛuu? Nidamata fu zi wa i watiu i chaksi ba, amaa ba ka kaali o watɛɛ di o chaksi ba.”

Tuma 13:39

Ba naa la tiŋ chiksɛ naa Koosa fun kpa nyɛ Mosis ni duŋduŋ, Koosa ha fun vɛɛn na ba galimsa. Ba naa se ka funɛ su Yesu, Koosa wa fun na ba galimsa.

Room 3:25

Koosa funɛ kpa Yesu Kristo a chiŋsi gbampulim ni a nyɛ o sou o daakakli ti ni, chen ni Koosa wa zi bu na paan a du ba naa maga se su Yesu sou chɛl ni. O funɛ ya chene di o biksi nara di o ya wuti tiinnɛ. Hali chen saha ti o funɛ kpak ba kanyitau a li nara tum tagna ni a ta lɛrgi ba diŋsa.

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Room 5:12

Tɔ. Nibin bɛgim funɛ te nyɛn tɛɛnɛ nɔ maga ni saha digi a tum tum tagna. O fun sou a daha. Chendaha ba naa maga funɛ tiŋ o gantɛl gbanko fun siti ba tum tagna daha.

Room 5:15

Chenani Koosa fun suŋi ya yɔri, awa chenani Adam tum tum tagna wa ya kibɛgim. Nibin bɛgim tum tagna daha, nidamata fun siti. Nibin bɛgim Yesu Kristo daha, Koosa ka fun koti a suŋi nidamata kinkan yɔri.

Room 5:19

Adam funɛ vɛ di o wa zi tiŋ Koosa nɔ, chen funɛ nyɛ nidamata ya tum tagna nitumɛ o wati. Yesu ka funɛ tiŋ Koosa nɔrɛ, chen funɛ nyɛ o bu vɛ koti a na nidamata galimsa.

Room 6:14

Koosa chiksɛ ta wa bu dɔ ma. Lalaknɔwa Koosa suŋi ma. Chendaha tum tagna wa zi bu dɔ ma.

1 Kɔr. 15:22

Domi ya wa Adam ya nibɛgimnɛ, chendaha yaa siti. Ya naa wa Kristo ya nibɛgim nan, ya ka zi wa si ya sou niu a kpak miisa.

Ju 2:9

amaa ma lisi Yesu wɛ. Koosa funɛ tum unu tɛɛnɛ nɔ maga ni a nyɛ o malaikasi ta zen a kaali un wuzu bilɛ, a nyɛ o sou nara maga daha, chen ni Koosa zi kotiu a suŋi ba. O funɛ sou chene, Koosa fun lɛli un a li o sou ni a nyɛ un o jirima awa o chaani kinkan.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

1 Jɔn 2:20

Amaa Koosa funɛ kpa o siim weri ti a du ma bambe niu ka ma maga kpak zima.