Room 4:17 - Tampulma

¹⁷ Ba fun sɔbi chen wɛ a li Koosa sɛm tɔn ti ni di Koosa ŋɔ, “Mu funɛ nyɛ i burgi nidamata nyannɛ.” Abraham si fun su Koosa naa koti a lɛli nara a li ba sou ni a sɛm a naami kina. Chendaha Koosa vɔwi ti weru a li o wati.

Room 4:17 ပူးပေါင်းရင်းမြစ်များ

Mat. 3:9

Ma ta lisi di chenani ma ya Abraham bi lulɛ, chen zi chiŋi ma tum were bar chiŋi niu. Ma nyɛ mu ŋɔ ma di Koosa koti a kpa buŋkul na a burgi Abraham bi lulɛ.

Jɔn 5:21

Waa lɛlɛ siwɛ a li ba sou ni. Mu waa naa ya o be gbanko lɛlɛ siwɛ naa mu yisi a li ba sou ni.

Jɔn 5:25

Maa nu mu wati nɛnɛ. Saha ti piin telu di ba naa chi siwɛ ba tum tagna daha zi wa nu min, Koosa be, tau, ka mu zi wa lɛli bau a li ba sou ni.

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Tuma 15:18

Kin namawa mu fun kpa biksi nara tima saha digi.’ ”

Room 3:29

Ju tim ta duŋduŋ koti aa tiŋ Koosaa? Ba naa vɛ ya Ju tima, ba wa koti aa tiŋ unn? Ba gbanko kotiu.

Room 4:18

Chenani o fun du wa nyɛ Abraham kpak bambi, amaa o kpak bambiu a nyɛ o si su Koosa. Chendaha o fun burgi nibin damata nyana a chi chenani ba fun sɔbi a li Koosa sɛm tɔn ti ni di Koosa ŋɔ, “I bi lulɛ zi ya nidamatau.”

Room 4:2

Koosa wa fun bu na Abraham galimsa o tum were daha, o fu zi pɛgi o titiu. Amaa o fu wa zi pɛgi o titi Koosa suwachak ni.

Room 8:11

Koosa siim weri ti funɛ lɛli Yesu Kristo a li o sou ni chen. O nyɛn ma bambe ni, wuzu digi o gbanko zi wa lɛli ma barau a li ma sou ni.

Room 9:11

Amaa Koosa funɛ te ŋɔ unu leusisi ta wɛu ka o zi lul. O fun ŋɔ un, “Nihɛɛ zi wa tiŋ bichɛla nɔu.” Bichɛsa ha wa tum tum were koo tum tagna, amaa Koosa funɛ ŋɔ ba wɛu, chen ni ya zim di o yisi narawa a nyɛ o titi ni, o wa yisi ba ba tuma daharɛ.

Room 9:26

Doonani ba fun ŋɔ di nara nama wa ya mu nara, lalaknɔ ba zi sɛmu di ba ya Koosa naa nyɛn bisiwa.”

1 Kɔr. 1:28

O fun lisi nibinsa ba naa tɛɛnɛ nɔ tim maga zɛɛmi awa ba naa ba ŋɔ di ba ya yɔrirɛ, chen ni o zi wa ta kin nawara tɛɛnɛ nɔ tim maga ŋɔ di a ya kibirigewa yɔri.

1 Kɔr. 15:45

Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

Ju 11:12

Hali Abraham funɛ dugli siwi, bi damata funɛ li un ni. Ba iiu a chi wula naa nyɛn buudaha ni awa hɛchɛ naa nyɛn mɔɔga nɔ ni, ka nara vɛ koti a guri.

Ju 11:3

Koosa funɛ sɛm a naami tɛɛnɛ nɔ maga, o fun kpa kin nawara ya vɛ koti a naali, a naami kin naa ya koti a na. Chenani ya se su di Koosa funɛ ya nan, biksi ya di o ya wutirɛ.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

1 Pita 2:10

Saha digi o wa fun dɔ ma, amaa lalaknɔ o dɔ mau. O wa fun a ɔm ma siki saha digi, amaa ma la unu lalaknɔ.

2 Pita 3:8

Mu bi daŋnɛ, ma ta sugli di Koosa na wuzu bɛgimnɛ o chi bun tusuk bɛgimnɛ. O ka na bun tusuga o chi wuzu bɛgim.