Room 2:27 - Tampulma

²⁷ Chendaha ba naa vɛ ya Ju tima nyɛ ma na galimsa, domi nara funɛ sɔbi Koosa chiksɛ tau a nyɛ ma aa teŋsi ma, amaa maa chɔk au. Ba ka tiŋ o chiksɛ tau a vɛ teŋsi.

Room 2:27 ပူးပေါင်းရင်းမြစ်များ

Mat. 3:15

Yesu fun ŋɔ un, “O deŋlu wa i chaksi min. O ya Koosa tutɔrɛ.” Jɔn funɛ nu o sɛm ta, o fun la nɔɔni a chaksi un.

Tuma 13:22

Doone Koosa fun lisi un a li o koor ti ni a nyɛ Devid chiŋi o bar chiŋi ti ni. Ba funɛ sɔbiu a li Koosa sɛm tɔn ti ni di Koosa funɛ ŋɔ o wɛu, ‘Mu zimu di Devid, Jɛsɛ be, ya naa mu bambi daŋni, domi o zi tum chenani maga mu daŋni o tumu.’

Room 13:10

Maa daŋni nibinsa, ma wa zi la nɔɔni a tum ba tum tagna. Maa daŋni dɔŋa, maa tiŋ chenani chiksɛ ta magawa biksi ma.

Room 2:15

Ba tuma biksɛɛ di Koosa funɛ sɔbi o chiksɛu ba bambe ni. Ba bambe lise gbanko di ba sɛria a ŋɔ ba di ba galimu akoo ba wa galimi.

Room 2:20

aa ŋɔ di ma koti a biksi ba naa ya womniwa awa ba naa ya bichɛsa. Ma kpak bambeu di ma kpak zima awa wuti maga hali a wa peti a li o chiksɛ ta ni.

Room 2:25

Ba teŋ ma ka maa tiŋ o chiksɛ ta gbanko, ma teŋi nyɛ ma na nyɔɔrau. Amaa maa chɔk o chiksɛ ta, ma burgi a chi ba naa vɛ teŋsire.

Room 2:26

Nara vɛ teŋsi aa tiŋ o chiksɛ ta, Koosa zi nyini bau a chi ba wa teŋsi.

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 3:30

Koosa bɛgim duŋduŋ nyɛnɛɛ. Ju tim ta nyɛ ba se su Yesu Kristo, o wa zi bu na ba galimsa. Ba naa vɛ ya Ju tima nyɛ ba se su un, Koosa gbanko wa zi na ba galimsa.

Room 8:4

chen ni ya naa vɛ tum tuma a li ya bara kpok ti ni, amaa a la tum a a li Koosa siim weri kpok ti ni, zi kotiu aa tum tum were a naa maga chiksɛ ta biksi.

1 Kɔr. 7:19

Ba teŋ un o ya yɔrirɛ. Ba vɛ teŋ un, chen gbanko ya yɔrirɛ. Amaa Koosa nɔ tiŋi ya wu birigi.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

Gal. 5:14

Koosa chiksɛ ta digi ya a koora a biksi ya di, “Maa daŋni ma dɔŋtima a chi chenani maa daŋni ma titi.”

Ɛfɛ. 2:11

Ba funɛ lul ma a li ba naa vɛ ya Ju tim nɛɛ. Ju tim ta yir ma ba naa ba vɛ teŋsi. Ba ka yir ba titi ba naa ba teŋsi. Ma lisi chenani ma fun nyɛn saha digi.

2 Tim. 3:15

I gban funɛ zim Koosa sɛm tɔn tiu a li i bichɛsi ni. Waa funɛ koti a nyɛ i si su Yesu Kristo, chen ni o zi yisi hinu a li i tum tagna ni.

Ju 11:3

Koosa funɛ sɛm a naami tɛɛnɛ nɔ maga, o fun kpa kin nawara ya vɛ koti a naali, a naami kin naa ya koti a na. Chenani ya se su di Koosa funɛ ya nan, biksi ya di o ya wutirɛ.