Room 15:16 - Tampulma

¹⁶ Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

Room 15:16 ပူးပေါင်းရင်းမြစ်များ

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 11:13

Ma naa vɛ ya Ju tima, maa nu mu wati lalaknɔ. Chenani Koosa nyɛ mu ya o nitumi di muu biksi ma o wɛ ya mu jirima kin.

Room 15:18

Mu daŋni mu ŋɔ nara duŋduŋnɛ chenani Kristo fun suŋi min di ba naa vɛ ya Ju tima wa tiŋ Koosa nɔ. A li mu sɛma awa mu tuma,

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Room 15:20

Mu funɛ kpaŋi mu titiu di mu ŋɔ nara ni Koosa laaboor weri ti wɛ doonani ba ha fun vɛɛn nu Kristo wɛ, chen ni mu fu wa zi tum doonani nandigi piin a piili.

Room 15:29

Mu wa pu ma, mu zimu di Kristo zi nyɛ mu wa ma kpak tu sɔɔnau kinkan.

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 4:1

O weru di ma la yir ya Yesu tumtumsi chen. Koosa funɛ kpa o wu sogle a du ya nisa ni. Ya ka kpa a aa biksi nara.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

2 Kɔr. 8:5

Ba papaha ti funɛ kaali chenani ya lisi. Ba fun te kpa ba titi a nyɛ ya kunyan ti ni a tiŋ Koosa nɔ a lisi ba kin ta a nyɛ ya.

Gal. 3:5

Koosa kpa o siim weri ti a tum tum zene a nyɛ ma, o ya chenu domi maa tiŋ o chiksɛwa hali a wa peti koo domi ma funɛ nu o laaboor weri ti a nyɛ ma se su unn?

Ɛfɛ. 2:18

Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Ɛfɛ. 2:22

Koosa siim weri ti nyɛ ma gbaari ba naa wa Yesu Kristo ya nibɛgim ni a burgi dɛ naa Koosa nyɛn chen bar digi.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Filip. Tima 4:18

Ma papaha naa Ɛpafrodaitus fun kpa li ma wati, a mak chenani mu daŋni a kaali. Chenani ma fun ya nyɛ Koosa tuha sɔɔni kinkan. O chi Ju tim ta funɛ kpa sela a kɔɔri kɔɔra a nyɛ Koosa ni saha digi chene.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.