Room 14:9 - Tampulma

⁹ Kristo funɛ sou a si o sou ni di o burgi ba naa kpak miisa awa ba naa sitɛɛ kunyana.

Room 14:9 ပူးပေါင်းရင်းမြစ်များ

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Luk 24:26

Ba funɛ ŋɔ di, ‘Naa Koosa fun vɔu di o tum chen, waɛɛ, o zi namsiu a sou a si la zu Koosa tɔhɔn ti.’ O wa deŋli di o ya chenn?”

Jɔn 12:24

Maa nu mu wati nɛnɛ. Ma zim di kiduha tiina yaa kpa kibɛgim bɛgimwa a du. Kiduha ti titi yaa pɔu ka kifali nyu a zini a nɔn kidamata. O vɛ pɔɔli, o wa zi nyu a zini a nɔn.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 10:42

O fun ŋɔ ya di o lawa ya lau a la biksi nara Koosa laaboor weri ti wɛ awa chenani Koosa fun lisi un di wuzu digi o zi wa di nisitɛ awa ba naa vɛ siti sɛriau.

Room 10:9

Ma ŋɔɛɛ di Kristo ya ma kunyana ka ma se su di Koosa funɛ lɛli unu a li o sou ni, Koosa zi yisi mau a li ma tum tagna ni.

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.

1 Tɛs. 4:14

Ya se su di Yesu funɛ sou ka Koosa lɛli un a li o sou ni. Chendaha ya se su di Koosa zi wa lɛli ba naa se funɛ su unu a sou a chi o funɛ lɛli Yesu chen. Saha naa o wa wa, o wa ba zi wa bur wau.

1 Tɛs. 5:10

O funɛ sou ya daharɛ chen ni o wa bur wa, ka ya maga ha vɛɛn nyɛn akoo a siti, ya zi wa kpak miisau a nyɛn o wati.

2 Tim. 4:1

Mu chiŋe Koosa awa Yesu Kristo naa la zi wa di miisa tima awa nisitɛ sɛria a di o koor ti suwachak ni,

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Pita 4:5

Koosa wa wa di o wa di ba naa kpak miisa awa ba naa sitɛɛ sɛria, o zi pɛɛsi ba chenani ba tumu.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 2:8

“Sɔbi kin nama a la nyɛ naa la nyini Yesu nitiŋɛ ta a li Sumana ni. “Mu vɛ kpak piili a nyɛn a vɛ kpak peti. Mu funɛ sou, amaa lalaknɔ mu zi nyɛnu hali saha naa vɛ kpak bɔ.