Room 14:2 - Tampulma

² Nibin bɛgim naa si su Yesu nɛnɛ lisi di o zi kotiu a di kina maga. Naa vɛ kpak kpok a li chenani o si su un, waa ka lisi di o zi kotiu a di disa duŋduŋ.

Room 14:2 ပူးပေါင်းရင်းမြစ်များ

Room 14:1

Nar vɛ kpak kpok a li chenani o se su Yesu a la daŋni o lagmi ma ni, ma la un, amaa ma ta di chenani o lisi amɔrɛ.

Room 14:14

Mu kpak bambiu di kundɔŋ wa to a chi, domi mu wa ya kunyan ti ya nibɛgimnɛ. Amaa bɔnɛ lisiu di diwe bɔnɛ ya chire. Ba di a a nyɛ ba doŋwa.

Room 14:20

Ma ta chɔk Koosa tuma diwe daha. Diwe wa toli a chi. Amaa o wa wer di nibine kidi diwe bɔnɛ, chen ni o dɔŋtima nyuksi nyinbaan.

Room 15:1

Ya naa se su Kristo nɛne, o lawa ya suŋi ba naa se vɛ su un nɛne. Ma ta nyɛ yaa lisi ya duŋduŋ kina wɛ,

1 Kɔr. 10:25

Ma kpak nyinbaan wa ma se nɛmɛ a naa maga ba yogli a li yau ni, a ta beeli a pɛɛsi doonani o liili.

1 Kɔr. 8:9

Amaa ma doso. Ma vɛ chi a a la se vursa namsa, ma ta nyɛ ma yaali ti mur ba naa ŋɔ di namsi ta zi nyɛ ma dɔŋu, a wa chel.

1 Kɔr. 9:22

Mu wa ba naa se vɛ su Yesu nɛnɛ, wa lagmi, mu yaa burgi ba warɛ, chen ni mu zi suŋi bau di ba tiŋ un nɛnɛ. Chenani nibinsa du, mu gbanko du chene, chen ni mu zi la ba bɔnɛu a nyɛ Koosa ni.

Gal. 2:12

Pita wa o dɔŋtima ba naa vɛ ya Ju tima, bɔnɛ funɛ te lagmi dɔŋ ni di ba di diwe. Amaa ba naa Jems fun tum, bɔnɛ funɛ wa, Pita wa ba wa fun bu lagmi dɔŋ ni a di diwe. Ba naa Jems fun tum chen la daŋni ba teŋsi Yesu nitiŋɛ ba naa vɛ ya Ju tima chen.

1 Tim. 4:4

Kin nawara maga Koosa fun naami weru. O wara daŋni ya chi diwe bɔnɛ, amaa o daŋni ya kpa diwe magwa a sumi un aa kidi.

Tait. 1:15

Kina maga weru a li ba naa tusa Koosa fun chaksi ni. Amaa ba naa tusa o fun vɛ chaksi ka ba se vɛ su un, kina maga ya doŋwa ba wati, domi ba lise awa ba tusa ya kitagniwa.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.