Room 10:18 - Tampulma

¹⁸ Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

Room 10:18 ပူးပေါင်းရင်းမြစ်များ

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Mat. 26:13

Mu ŋɔ ma wutirɛ, doonani maga ba zi wa biksi Koosa laaboor weri ti, ba zi wa sɛm nihaan nɔ wɛu awa chenani o fun a tum nyɛ minu. O sɔn zi wa chɔu aa la.”

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Mat. 4:8

Ba fun bu li dooni, ka sintan ti fun kpa Yesu a zini bi ziŋziŋi nyuha a biksi un tɛɛnɛ maga tɔsa awa a jirima kinkan.

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Maak 16:20

O gantɛl tiŋsi ta ka fun si a kaali bar damata aa la sɛm Koosa laaboor weri ti a nyɛ nara ni. Koosa fun suŋi ba ba koti a tum tum kpoka aa gbaari, chen ni nara zi zimu di ba sɛm ta ya wutirɛ.))

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Room 1:8

Mu daŋni n te ŋɔ di Yesu Kristo kpa chenani mu kunyana Koosa ma maga daha a nyɛ un. Nara sɛmu bawu maga ni chenani ma se su Yesu Kristo.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

1 Tɛs. 1:8

Ma waa funɛ kpa Yesu laaboor weri ti a wa ŋɔ ba o wɛ, ba naa nyɛn bawu maga ni funɛ nu ma wɛu di ma se su Koosa. Ya wa bur a daŋni ya sɛm kinkan.