Room 1:30 - Tampulma

³⁰ a la chɔk nara sɔna a la pini nara zoma aa ha Koosa. Baa daŋni sɔniwa a la zer ba titi a la nyini tum tagna falɛ di ba tum saha maga. Ba wa tiŋ ba nyama awa ba numa nɔɔna,

Room 1:30 ပူးပေါင်းရင်းမြစ်များ

Mat. 15:4

Ba funɛ sɔbiu a li Koosa sɛm tɔn ti ni saha digi di o ŋɔ, ‘Maa nyɛ ma nyama awa ma numa jirima. Nara maga pini o niina koo o nyana zoma, ba kpu un.’

Mat. 16:21

Chen saha ti kpa la, Yesu fun a biksi o gantɛl tiŋsi ta a ŋɔ ba, “O lawa mu la Jɛrusalɛmu. Doonee tɔhɔn nihɛɛta awa Koosa dam kɔkɔɔrsi ta awa Koosa chiksɛ nibiksɛ ta zi wa nyɛ mu namsiu kinkan ka ba kpu min. Amaa wuzu butora wuzu n zi si a li mu sou niu.”

Luk 21:16

Ma nyama awa ma numa, ma niinbisa, ma walɛ awa ma chɛnsa zi wa kpa mau a du ba naa la zi kpu ma bɔnɛ nisa niu.

Jɔn 7:7

Min la biksi nara ba yaa tum tum tagna. Chendaha ba ha min. Amaa ba ka wa ha ma.

Tuma 5:36

O wa fun vusi ka baal naa ba yir Tudas chen a ŋɔ di waa ya nara tima nyuhu tiina ka nara fun dugli kɔksa naasi a tiŋ un.

Room 2:17

Ma naa ba yir Ju tima, maa nyini Koosa naa ya ma jirima tiina, chiksɛ ta se ni,

Room 2:23

Koosa chiksɛ ta ya ma jirima kina ka maa chɔk a a du un hiisa.

Room 3:27

Ya zi kotiu a pɛgi ya titi domi ya funɛ tiŋ Koosa chiksɛ dahaa? Ya wa kikoti. Ya zi koti a pɛgi ya titi kundɔŋ wɛuu? Aai. Koosa wa zi bu na ya galimsa a li ya se suuli ni. Chendaha ya vɛ koti a pɛgi ya titi.

2 Kɔr. 10:15

Ya wara daŋni nyɔɔra a li chenani nara biksi ma a li Koosa laaboor weri ti ni. Ya kpak bambi bɛgimu di ma se zi su unu ka ya wa ma tuma pisi a gbaari.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

2 Tɛs. 2:4

Tum tagna tiin nɔ zi wa ŋɔu di kinkin naa nibinsa jɛɛmi ya yɔrirɛ, a ŋɔ di o ya nibin zenne a kaali ba maga. Hali o zi la zu Koosa bar jɛɛmi damau a kani a ŋɔ di o ya Koosarɛ.

2 Tim. 3:2

Nara zi wa nyɛn dooniu a kpak si a kidaŋni malɛ a zer ba titi aa ya diŋ vɛ nuulisi tima. Ba zi wa pini nara zomau a kivɛ ba nyama awa ba numa nɔɔna a ta zaami nara aa vɛ tiŋ Koosa.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Jems 3:5

Chene nibine zulum ya kiwewe aa la sɛm wu zene. Din wewe yaa kotiu a di kɔ zenzen.

Jems 4:16

Amaa lalaknɔ maa kpak ma bambi ni a ŋɔ di ma zi kpiŋiu a na nyɔɔra. Chenani maa sɛm chen ya yɔrirɛ.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

Juud 1:16

Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.