Room 1:13 - Tampulma

¹³ Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.

Room 1:13 ပူးပေါင်းရင်းမြစ်များ

Jɔn 12:24

Maa nu mu wati nɛnɛ. Ma zim di kiduha tiina yaa kpa kibɛgim bɛgimwa a du. Kiduha ti titi yaa pɔu ka kifali nyu a zini a nɔn kidamata. O vɛ pɔɔli, o wa zi nyu a zini a nɔn.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 4:36

Ba naa kumɛɛ a kpa du napagsi ni, ba waa le la ba bɔta. Tumtumsi ta wa peti ba tum maga, ba naa du kin ta awa ba naa kumɛɛ, ba maga tusa zi sɔɔniu. Chen vɛɛna, ba naa kpa nara a wa mu wati chen ni Koosa zi kpa o mi fali naa vɛ kpak bɔ a nyɛ ba, o zi bɔ ba ba chimu.”

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 15:12

Pita funɛ sɛm peti, ba maga fun moori di ba nu Barnabas awa Pɔɔl wati. Ba fun ŋɔ ba chenani Koosa fun suŋi ba ba tum tum zene awa alaazibu tuma a nyɛ ba naa vɛ ya Ju tim ni.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 21:19

Pɔɔl fun zaami ba maga a ŋɔ ba chenani maga Koosa fun suŋi un di o tum a nyɛ ba naa vɛ ya Ju tim ni.

Tuma 28:14

Yesu nitiŋɛ ba naa nyɛn dooni, fun nyɛ ya wa nyɛn ba wati. Wuzu bunɔpɛ gantɛl ni, ya fun li dooni a kaali Room.

Room 1:12

Chen yaali ni, ya maga zi kotiu a suŋi dɔŋa. Chenani mu se su Koosa zi kpami mau. Chenani ma gbanko se su un zi kpami minu.

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 7:1

Mu niinbisa, ma maga zim chiksɛ tau di o dɔ nara hali ba nyɛni saha.

1 Kɔr. 1:10

Mu niinbisa, mu sumi mau ya kunyan Yesu Kristo sɔn daha ma maga kiya nɔ bɛgim. Ma ta waligi ma titi, chen ni ma sɛma awa ma lise ni ma zi kpak nɔ bɛgimu.

1 Kɔr. 10:1

Mu niinbisa, mu daŋni ma lisiu di Koosa dobaal funɛ kok Ju tim nawaalsa ba naa maga funɛ tiŋ Mosis saha digi. Ba maga funɛ val a gali ni sɛm ti niu a kaali.

1 Kɔr. 12:1

Mu niinbisa, ma gbanko funɛ sɔbi tɔnnɛ a pɛɛsi min papaha a naa Koosa funɛ nyɛ ma a li o siim weri ti ni chen wɛ. Mu daŋni ma zim a wutirɛ.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 14:26

Mu niinbisa, yɛrɛ mu zi bu a chiksi ma maa zim? Ma wa lagmi dɔŋ ni, ma nibɛgim yaa lisi Koosa pɛgi boola maa lɔ, digi biksi ma, digi ka biksi sɛm sogle naa Koosa biksi un, muna, digi ka sɛm sɛm kurgɛ, ka digi ka biksi a muna. Ma nyɛ a nama maga maa ya chen kisuŋi dɔŋa.

1 Kɔr. 9:2

Bɔnɛ wara la nɔɔni di mu ya Kristo nitumirɛ. Yɛrɛ ma lisi? Chenani maa tiŋ ya kunyan ti biksi nara di mu ya o nitumirɛ.

2 Kɔr. 1:8

Mu niinbisa, mu daŋni maa lisi chenani ba naa nyɛn Azia pulum ni, fun nyɛ ya na namsiu kinkan. Chen saha ti ya namsi funɛ zenu a kaali a maga. Hali ya fun lisi di ya zi sitiu.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

Gal. 3:15

Mu niinbisa, mu daŋni mu ŋɔ mau a li ya nyɛni ni. Ma zim di nara balɛ ya nɔ bɛgim a la nɔɔni dɔŋ ni, nandigi wa kikoti a chɔk un koo ma gbaari.

Gal. 6:18

Mu niinbisa, ya kunyan Yesu Kristo kisuŋi ma maga. Ami.

Filip. Tima 1:22

Amaa mu kpak miisa, mu zi kotiu a tum tum were a gbaari a nyɛ un. Mu wa zim chenani mu zi lisi.

Filip. Tima 4:17

Mu wara daŋni ma papaha duŋduŋnɛ. Mu daŋni chenani ma zi ya a sɔɔni Koosa tuharɛ.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

1 Tɛs. 2:18

O wa ya di bu bɛgimnɛ mu waa, Pɔɔl, funɛ kpaŋi di mu bur wa ma wati, amaa sintana funɛ tɔ ya nyinbaanu. Ya fun vɛ koti a waali.

1 Tɛs. 4:13

Mu niinbisa, ya daŋni maa zim wutirɛ ba naa funɛ siti chen wɛ, chen ni ma tusa wa zi wa chɔk a chi ba naa vɛ kpak bambi bɛgim a li Yesu ni chen.

2 Tɛs. 2:7

Nibinsa piin sogli a vɛ Koosa. Chen kin ti tɔ ba nyinbaan di ba vɛ Koosa gbampulim ni chen, hali o saha wa tel o kaali.

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.