Mat. 9:13 - Tampulma

¹³ Ba funɛ sɔbiu a li Koosa sɛm tɔn ti ni saha digi di o ŋɔ, ‘Chenani ma kpak dɔŋa wa siki ya min lɛmlɛmu a kaali chenani ma kɔɔrigi kina a nyɛ min papaha nau.’ Maa la a la dɛu chenani Koosa ŋɔ ma chen mun. N wa wa di n wa yir ba naa nara yir ba nibin were. Ba naa nara yir nibin tagna daharɛ, mu wa.”

Mat. 9:13 ပူးပေါင်းရင်းမြစ်များ

Mat. 12:3

Yesu fun burgi a pɛɛsi ba, “Ma yaa karimi koor Devid wɛ a li Koosa sɛm tɔn ti ni chen, ma wa zim o munn?

Mat. 12:5

Ma ha wa karimi chenani Mosis fun sɔbi a li Koosa sɛm tɔn ti ni di Koosa dam kɔkɔɔrsi ta tum o bar jɛɛmi dam ti ni hiisi wuzuu? Ba waa yaa chɔk ya chiili wuzu hiise ta, amaa nandigi wa na ba galimsa.

Mat. 12:7

Ba funɛ sɔbi a li Koosa sɛm tɔn ti ni di o ŋɔ, ‘Chenani ma kpak dɔŋa wa siki ya min lɛmlɛmu a kaali chenani ma kɔɔrigi kina a nyɛ min papaha nan.’ Ma zim sɛm na mun, ma wa zi di ba naa vɛ tum galimsa sɛria a ŋɔ di ba chelu.

Mat. 19:4

Yesu fun ŋɔ ba, “Ba fun sɔbi a li Koosa sɛm tɔn ti ni di, ‘Saha naa Koosa fun naami tɛɛnɛ nɔ maga a li o piili ni, nibaal awa nihaannɛ o fun naami,’

Mat. 21:42

Yesu fun pɛɛsi ba, “Ma ha wa karimi Koosa sɛm tɔn ti aa zim o muna doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigi? Koosa zi kpa un a baŋ dɛ ti zɛchik ni. Koosa tuma funɛ chi chene. A fun ya nara alaazibu kinkan.’ ”

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 3:8

Ma gil ma tum tagnau a la tum tum were a biksi nara chenani ma bambe burgi.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Maak 12:26

Ma waa tɔ di nibinsa wa zi si ba sou niu, ma ha wa karimi a li Koosa sɛm tɔn ti ni a zim o muna doonani Mosis fun la na ka din di bugil pum chenn? O funɛ na bugil pum ti, Koosa fun ŋɔ un, ‘Min ya Koosa naa ma nawaalsa Abraham, Aizik awa Jakɔb yaa jɛɛmi.’

Maak 12:33

Yaa daŋni un wa ya bambe awa ya lise awa ya kpok maga ni aa kidaŋni ya dɔŋtima a chi chenani yaa daŋni ya titi, nan bɔɛɛ wa ya fu kɔɔrigi sela a nyɛ un.”

Maak 2:17

Yesu fun nu chenani ba pɛɛsi a ŋɔ, “Nibinsa ba naa kpak alaafɛ, ba wara la lure tiin wati, amaa ba naa vɛ kpak alaafɛ, ba waa le la lure tiin wati. N wa wa di n wa yir ba naa nara yir ba nibin werewa. Ba naa nara yir ba nibin tagna daharɛ, mu wa.”

Luk 10:26

Yesu fun burgi a pɛɛsi un, “Ba naa funɛ sɔbi a li Koosa sɛm tɔn ti ni chen, yɛrɛ ba fun biksi hin o wɛ?”

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Luk 5:31

Yesu fun nu chenani ba pɛɛsi a ŋɔ ba, “Nibinsa ba naa kpak alaafɛ, ba wara la lure tiin wati. Amaa ba naa vɛ kpak alaafɛ, ba waa ka le la lure tiin wati.

Luk 5:32

N wa wa di n wa yir ba naa nara yir ba nibin were. Ba naa nara yir nibin tagna daharɛ, mu wa.”

Jɔn 10:34

Yesu fun ŋɔ ba, “Koosa funɛ lisi nibin bɔnɛ di ba sɔbi o sɛma a du o tɔn ni saha digi. O funɛ ŋɔ ba wɛu di ba chi unu. Ya zimu di o sɛm tɔn ti ya wutirɛ.

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

2 Pita 3:9

Nara bɔnɛ lisi di ya kunyan ti vusiu a vɛ tum chenani o fun vɔwi. O daŋni ma gil ma tum tagniwa aa tiŋ un, chen ni o wa zi wa chɔk ma. Chendaha o kpak ma kanyita.