Mat. 7:13 - Tampulma

¹³ “Ma nyɛni chi vallɛ. Nyinbaan pɛnpɛni ti tiŋi wa bɔm. Chendaha nidamata tiŋ un. Ba wa tel o bɔ, Koosa zi wa chɔk bau.

Mat. 7:13 ပူးပေါင်းရင်းမြစ်များ

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 3:8

Ma gil ma tum tagnau a la tum tum were a biksi nara chenani ma bambe burgi.

Mat. 7:14

Ma ta tiŋi a chi ba. Ma ka tiŋ nyinbaan wewe naa tiŋi bɔmɛɛ. Nara tama val dooni. Ba wa tel o bɔ, Koosa zi wa nyɛ ba o mi faliu.”

Luk 14:33

Chen vɛɛna, ma nidigi wa kiya mu gantɛl tiŋna, see o kpa min a te suwachak a gil o walɛ awa o kina.”

Luk 9:33

Nara balɛ ta fun saksi di ba la, Pita fun ŋɔ Yesu ni, “Mu kunyana, o ya wu werire ya nyɛn bar nɔ nan. Nyɛ ya du lɛuwa atora a nyɛ ma, chen ni i kpak kibɛgim, Mosis kpak kibɛgim, Ɛlaija gbanko kpak kibɛgim.” O wa zim chenani o sɛm.

Jɔn 10:9

Ba naa maga nyɛ mu yisi ba a li ba tum tagna ni chi piisisi naa yaa wa zu a bol a li di diwe chene.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Room 9:22

Chen vɛɛna, Koosa funɛ daŋni o biksi nara o kpokre awa chenani o na paan a du ba ni a lɛrgi ba diŋsa. Saha ti funɛ telu di o deŋlu di o wa chɔk ba, amaa o funɛ kpak ba kanyitau a vusi.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 6:17

O gbanko fun ŋɔ, “Ma waligi ma titi a li ba naa la jɛɛmi vursa ni, chen ni ma wa zi bu gbaŋsi a kina. Ma ya chen, mu titi zi la ma a duu.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 20:3

Malaika ti fun kpa un a yo du bɔ naa vɛ kpak bar peti chen ni a kpa saafibe ti a pur bɔ ti zɔɔnɔ a pɛri. O funɛ ya chene, chen ni o wa zi bu koti a mur tɛɛnɛ nɔ tim maga hali bu tusuk ti wa peti. Chen saha ti wa tel, ba zi lisi unu a nyɛ o hiisi tama.