27 Ma anti la zi gbaari o bunsa a li muksi daha?
Ma ta hɛɛsɛ ma nyuuna, domi ma wa koti a chɛrgi nyuk bilim o burgi kipilim koo a chɛrgi kipilim o burgi kibilim.
“Nan nyinbaannɛ n sɛm ma. Saha maga maa daŋni diwe awa ni awa kilaarɛ. Ma ta nyɛ kin nama muksi ma. Ma miisa wa kaali ma diwe awa nii? Ma bara wa kaali kilaarɛ ta ma laarɛ chenn?
“Yɛrɛ kilaarɛ wɛ muksi ma? Maa nyini chenani kɔsa yeligisa du. A wara tum tuma koo a ar kilaarɛ a nyɛ a titi ni.
“Ma ta muksi ma titi a ŋɔ, baŋnɛ ya kaa ya na diwe a di? Baŋnɛ ya kaa ya na ni a nyɔ? Baŋnɛ ya kaa ya na kilaarɛ a laarɛ?
Adaha ma ta nyɛ chɛ kina kimuksi ma. Wuzu maga kpak a tumawa a muksi ya. Adaha ma ta kpa chɛ kina a lagmi zinan kin ni.”
Yesu fun ŋɔ un, “Marta, yɛrɛ i nyɛ wɛ kinkan muksi hin?
“Nara zi wa kpa ma a la ba bar lagmi dɛɛna awa koorsa awa nihɛɛta suwachak di ba di ma sɛria. Chen wa ya, ma ta nyɛ chenani ma kaa wa sɛmi kimuksi ma.
Yesu fun bukoo ŋɔ o gantɛl tiŋsi ta ni, “Nan nyinbaan nɛɛnɛ n sɛm ma. Saha maga maa daŋni diwe awa kilaarɛ. Ma ta nyɛ kin nama muksi ma.
Amaa chen laata Koosa fun naami ya. O funɛ kpa ya bara luk pɛksiwa a lagmi a chi chenani o daŋni.
Ma ta nyɛ wu digi kimuksi ma, amaa maa zaami Koosa a kisumi un di o kpa kin naa maga ma daŋni a nyɛ ma.
Waa la nyini ma. Chendaha ma kpa ma muksi maga a du un ni.
