Mat. 6:20 - Tampulma

²⁰ Amaa ma ka kpa kidamata a chiŋsɛ a li Koosa tɔha ti ni. Chau awa doon wa zi wa chɔk a. Ŋmɛɛrsa gbanko wa zi wa kikoti a chɔk dɛ ti a ŋmɛ a.

Mat. 6:20 ပူးပေါင်းရင်းမြစ်များ

Mat. 19:21

Yesu fun ŋɔ, “Ii daŋni Koosa nyɛ hin o mi fali, kila a la kpa i kina maga a yogli a kpa malɛ ta a nyɛ fara tim ni a wa tiŋ min. I ya chen, i zi wa na kinau a li Koosa wati.”

Mat. 6:19

“Ma ta chiŋsɛ kidamata a li tɛɛnɛ nɔ maga ni. Chau awa doon zi wa chɔk au ka ŋmɛɛrsa chɔk dɛ ti a zu ŋmɛ a dooni.

Maak 10:21

Yesu fun nyini baal ti. O wɛ ya un lɛmlɛm kinkan ka o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 18:22

Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

1 Tim. 6:19

Ba ya chen, ba zi kotiu a chiŋsi ba kina saha naa la wa nan a koti a kpak Koosa wuti miisa naa o zi kpa nyɛ ba.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.

Ju 11:26

O funɛ zimu di wuzu digi Koosa zi wa bɔ un o chimu. Chendaha o fun lisi di Ijipt tima pini o zoma a nyɛ o na namsi naa Koosa zi wa tum wuzu digi daha, chen fu bɔɛɛ wa o dɔ Ijipt tim wu were maga.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

1 Pita 1:4

di wuzu digi ya zi la kiwere naa o fun kpa a chiŋsi o dɛ niu a li o tɔhɔn ni. A wa zi kut chɔk dooni.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.