Mat. 6:19 - Tampulma

¹⁹ “Ma ta chiŋsɛ kidamata a li tɛɛnɛ nɔ maga ni. Chau awa doon zi wa chɔk au ka ŋmɛɛrsa chɔk dɛ ti a zu ŋmɛ a dooni.

Mat. 6:19 ပူးပေါင်းရင်းမြစ်များ

Mat. 19:21

Yesu fun ŋɔ, “Ii daŋni Koosa nyɛ hin o mi fali, kila a la kpa i kina maga a yogli a kpa malɛ ta a nyɛ fara tim ni a wa tiŋ min. I ya chen, i zi wa na kinau a li Koosa wati.”

Mat. 6:20

Amaa ma ka kpa kidamata a chiŋsɛ a li Koosa tɔha ti ni. Chau awa doon wa zi wa chɔk a. Ŋmɛɛrsa gbanko wa zi wa kikoti a chɔk dɛ ti a ŋmɛ a.

Luk 12:21

Yesu funɛ sɛm a wa mak o bɔ, o fun ŋɔ zɛmɛ ta ni, “Ba naa ya malɛ tima ba titi wati, amaa ba wa kpak wu digi Koosa wati, nannɛ o zi wa du.”

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 12:39

Maa nu mu sɛm na. Dam tiin zimɛɛ di ŋmɛɛr kaa wa zu ŋmɛ un, o zi saksiu a pɔ un, chen ni ŋmɛɛr ti wa kiwa koti a zu.

Luk 18:22

Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Luk 18:24

Yesu funɛ na o sewa a zim di o tuha chɔku, o fun ŋɔ ba naa chiŋi dooni chen, “Ba naa ya kin tima, o zi bɔm ba watiu hali ba wa koti a zu Koosa koor ti.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

Ju 13:5

Ma ta daŋni ma ya malɛ tima. Ma nyɛ kin naa ma kpak sɔɔni ma tusa. Ba fun a sɔbi a li Koosa sɛm tɔn ti ni di o ŋɔ, “Mu wa zi kut gil ma a ta.”