Mat. 6:10 - Tampulma

¹⁰ Ya daŋni i wa dɔ narawa, chen ni ba zi tiŋ i tutɔ daŋni a li tɛɛnɛ nɔ maga niu a chi chenani i malaikasi ta tiŋ hin a li i tɔha ti ni chenu.

Mat. 6:10 ပူးပေါင်းရင်းမြစ်များ

Mat. 12:50

Ba naa maga la tum chenani mu kunyana Koosa naa nyɛn o tɔhɔn ti ni daŋni ba tum, ba waa ya mu numa awa mu niinbisa.”

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Mat. 26:42

O fun bukoo a la sumi Koosa a ŋɔ, “Mu kunyana, i daŋni mu na namsi nɔ, nyɛ i tutɔ ti ya.”

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Mat. 7:21

“Koosa wa zi wa dɔ ba naa maga wa mu wati a yir min ba kunyana. Ba naa la tum chenani mu kunyan Koosa naa nyɛn o tɔha ti ni daŋni ba tum, waa la zi wa dɔ ba.

Maak 11:10

Koosa suŋi hin a suŋi i nawaal Devid koor ti naa i zi wa di. Zinan ya pɛgi ya kunyan Koosau.”

Maak 3:35

Ba naa maga la tum chenani Koosa daŋni ba tum, ba waa ya mu numi ta awa mu niinbisi ta.”

Luk 19:11

Ba naa funɛ nu o sɛm ta fun lisi di Koosa koor ti zi wau lalaga. Yesu funɛ dugli Jɛrusalɛm. Chendaha ba fun lisi chen. Adaha o fun jɛɛgi jɛɛgi,

Luk 19:38

“Koosa suŋi koor naa o tum ya wati nan, chen ni ya wa un zi bu ya nɔ bɛgimu. Ma nyɛ ya nyɛ Koosa jirima kinkan.”

Luk 22:42

“Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”

Jɔn 4:34

Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Tuma 13:22

Doone Koosa fun lisi un a li o koor ti ni a nyɛ Devid chiŋi o bar chiŋi ti ni. Ba funɛ sɔbiu a li Koosa sɛm tɔn ti ni di Koosa funɛ ŋɔ o wɛu, ‘Mu zimu di Devid, Jɛsɛ be, ya naa mu bambi daŋni, domi o zi tum chenani maga mu daŋni o tumu.’

Tuma 21:14

Ya zim di ya sɛm na wa zi nyɛ o gil laali, ya fun ŋɔ un, “I zimɛɛ di ya kunyana daŋni i ya chen, o deŋlu wa i ya chen.”

Tuma 22:14

O fun bukoo ŋɔ min, ‘I funɛ nyɛn nyinbaan ti ni a wa chene, Koosa naa ya nawaalsi ta funɛ jɛɛmi, nyɛ i na Yesu ka i wa un sɛm sɛma. Waa ya o tumtumna naa yaa tiŋ o tutɔ. Koosa funɛ lisi hin di i tum chenani o daŋni,

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Ɛfɛ. 6:6

Yosi bɔnɛ yaa tum kinkannɛ a li ba kunyan se ni. O wa kaali, ba gil. Ma ta tum a chi ba. Ma lisi di Yesu Kristo dɔ ma lalaknɔ. Ma kpak un ma bambe ni aa tum chenani o daŋni maa tum saha maga.

Kɔl. 1:13

O fun a yisi ya a li sintana naa nyɛn birsi ni, nin awa kpok ni, a kpa ya a la du o be daŋni koor ti ni.

Kɔl. 1:9

O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.

1 Tɛs. 4:3

Koosa daŋni maa tum tum were duŋduŋnɛ a gil chɔkumsi tuma maga hali o wa peti.

1 Tɛs. 5:18

aa pɛgi un a li kin naa maga ya ma ni. Chene Koosa daŋni ma tum aa kitiŋ Yesu Kristo.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Ju 10:36

Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Ju 10:7

O fun ŋɔ un dooni, “O Koosa, min nyɛn bar nɔ di mu tum chenani i daŋni, a chi chenani ba fun sɔbi mu wɛ a li i sɛm tɔn ti ni chen.”

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

1 Pita 2:15

O ya Koosa tutɔrɛ ma kpa ma tum were aa tɔ womna ba naa vɛ zim chenani ma tiŋi nɔ sɛma.

1 Pita 4:2

a kitiŋ Koosa tutɔ wuzuna naa kaɛɛ ni.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 12:10

Doone mu fun nu ta kpok a li Koosa tɔhɔn ti ni ka o ŋɔ, “Ya funɛ nyaŋi naa yaa funɛ fiksi ya niinbisa Koosa suwachak niu saha maga a duŋni un a ta. Koosa naa ya ya koor wuti, funɛ kpa Kristo kpok a gbaari o kpok ni a lisi naa la muksi ya chen a li ba bambaan ni.

JɔnN Deesi 19:6

Mu fun bu nu zɛmɛ kinkan ta a chi ni chuuri kinkan awa nasɛha tɛsi, ka ba ŋɔ, “Ma nyɛ ya pɛgi Koosa. Waa dɔ kina maga a kpak kina maga kpok a ya ya kunyana.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.