Mat. 5:44 - Tampulma

⁴⁴ amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Mat. 5:44 ပူးပေါင်းရင်းမြစ်များ

Luk 23:34

Ba funɛ tum chene, Yesu fun sumi Koosa a ŋɔ, “Nara nama wa zim chenani baa tum. Gil ba tum tagna a nyɛ ba.” Ba funɛ tum peti, ba fun kpa o gata a dau di ba yo walɛ di ba na anti kaa di a.

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

Tuma 16:28

Doone Pɔɔl fun tɛsi kinkan a ŋɔ un, “Ta kpu i titi. Ya maga nyɛnu.”

Tuma 7:60

O fun gbiri a sɛm ta zaŋ ni, “Mu kunyana, gil ba tum tagna naa ba tum a du min ni nan a nyɛ ba.” O funɛ sɛm chene a sou.

Room 12:14

Maa sumi Koosa di o nyɛ ba naa la namsi ma na alaafɛ, a ta ŋɔ nɔ a nyɛ ba.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

1 Pita 2:23

Ba funɛ pini o zoma a vɛ weri, o wa fun bur a pini ba zoma. Ba funɛ nyɛ o namsi, o wa fun a hɔɔsi ba, amaa o funɛ kpa o titu a du Koosa naa la di nara maga sɛria wa wuti ni nin ni.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.