Mat. 5:22 - Tampulma

²² amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Mat. 5:22 ပူးပေါင်းရင်းမြစ်များ

Mat. 10:17

Ma doso. Nara zi kpak mau wa kpok ni a la sɛria bar diili dɛ. Ba zi tuksi ma wa vurmsi niu a li ba bar lagmi dɛɛni ta ni.

Mat. 10:28

Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

Mat. 12:24

Farisi tim ta funɛ nu chenani ba sɛm dɔŋ ni, ba fun ŋɔ ba, “Biɛlzɛbub, naa ya alizin tagna maga koora, nyɛn un ni a la nyɛ un kpok saha maga, chen ni o zi koti a duŋni alizin tagnau a li nara ni.”

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Mat. 18:21

Doone Pita fun wa Yesu wati a wa pɛɛsi un, “Mu kunyana, bu ŋmɛnwa mu dɔŋtiina zi koti tum tum tagna a du mu ni ka mu gil a nyɛ un? Gil a nyɛ un bu nɔpɛɛ?”

Mat. 18:35

Yesu funɛ sɛm a la mak o bɔ, o fun ŋɔ ba naa la nu chen, “Chen vɛɛna, ma vɛ gil nyɛ ma dɔŋtim ni ma bambe ni, mu kunyan Koosa naa nyɛn o tɔha ni gbanko wa zi gil nyɛ ma.”

Mat. 23:15

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Ma se sɛrɛu kinkan di ma nyɛ nibinsa bur tiŋ ma Koosa jɛɛmi nyinbaan. Ba wa burgi, ba zi tum tum tagnau a kaali chenani ma tum.

Mat. 23:33

Ma nawaalsa funɛ chi dumwa. Chendaha ma chi ba. Koosa wa wa di o wa di tɛɛnɛ nɔ maga tima sɛria, o zi wa na ma galimsau a kpa ma du din dam ti ni. Yɛrɛ ma kaa wa ya a chɔ li dooni?

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 26:59

Koosa dam kɔkɔɔrsi ta awa sɛria nidiile ta maga funɛ nyɛn dooni a nyini di ba na nandigi o wa ba suwachak a wa ŋɔ ba di o na Yesu ka o tum tum tagna, chen ni ba zi na nyinbaanu a kpu un.

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Mat. 5:34

Amaa n ŋɔ mau saha nɔ, ma vɔu vɔwɛ, ma ta bu hɛɛsi. Ma ta hɛɛse Koosa tɔha ti, domi o nyɛn doonee.

Mat. 5:44

amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Maak 14:55

Koosa dam kɔkɔɔrsi ta awa sɛria nidiile ta maga funɛ nyɛn dooni a nyini di ba na nandigi o ŋɔ ba di o na Yesu ka o tum tum tagna, chen ni ba zi na nyinbaanu a kpu un. Ba funɛ nyiniu hali a wa ku.

Maak 15:1

Chɔɔsa funɛ wa pisi, Koosa dam kɔkɔɔrsi ta, tɔhɔn nihɛɛti ta, Koosa chiksɛ nibiksɛ ta awa sɛria nidiile, ba fun lagmi a na dɔŋa Yesu daha. Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Luk 12:5

Ma ka ɔm Koosa naa koti a chɔk ma bara a kpa kpok a zi kpak ma a du din dam ti ni. Wutirɛ mu ŋɔ ma, maa ɔm un.

Luk 22:66

Chɔɔsa funɛ pisi, Koosa dam kɔkɔɔrsi ta awa Koosa chiksɛ nibiksɛ, ba naa funɛ ya Ju tim sɛria nidiile, fun a lagmi dɔŋ ni. Ba fun kpa Yesu a chiŋsi ba suwachak ni.

Jɔn 11:47

Doone Farisi tim ta fun yir Koosa dam kɔkɔɔrsi ta ba lagmi a na dɔŋa a zim chenani ba zi ya. Ba fun ŋɔ dɔŋ ni, “Baal nɔ tum tum zene kinkannɛ.

Jɔn 15:25

Ba funɛ ha ya chene di chenani ba sɔbi a li Koosa sɛm tɔn ti ni chen zi ya watiu. Ba funɛ sɔbiu a ŋɔ, ‘Ba ha minu ka o vɛ kpak mun.’

Jɔn 7:20

Zɛmɛ ta fun ŋɔ un, “I zu galɛŋwa. Anti ma la daŋni ba kpu hin?”

Jɔn 8:48

Doone Ju tim ta fun ŋɔ Yesu ni, “Ya ŋɔɛɛ di i ya Samaria tim nidigirɛ ka alizin tagin kani i nyuhu ni, wuti laata ya sɛm?”

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 22:30

Nihɛɛ nyuhu tiin ti funɛ daŋni o zim chenani Pɔɔl ya Ju tim ta fiksi un. Chɔɔsa funɛ wa pisi, o fun ŋɔ o lanjimasi ta ni ba pur zɔglɛ ta Pɔɔl ni a fun ŋɔ Koosa dam kɔkɔɔrsi ta awa tɔhɔn ti nihɛɛti ta ni ba lagmi. Doone o fun kpa un a chiŋsi ba suwachak ni.

Tuma 23:1

Pɔɔl fun nyini ba se ni a ŋɔ, “Mu niinbisa, chenani mu nyɛn hali wa zinan, mu kpak tuha kibɛgimu awa Koosa ni.”

Tuma 24:20

Ba vɛ waali nan, nyɛ ba naa lagmi dɔŋ ni a li Jɛrusalɛm ni chen ŋɔ hin chenani ba fun di mu sɛria a na mu galimsa.

Tuma 4:15

Ba fun ŋɔ ba kpa Pita awa Jɔn a li sal ka ba sɛm chenani ba zi ya ba.

Tuma 5:21

Chɔɔsa funɛ wa pisi chɔsa, nitumɛ ta fun tiŋ malaika ti nɔ a la zu Koosa bar jɛɛmi dam ti a biksi nara tima. Koosa dam kɔkɔɔrsi ta nihɛɛ ti awa ba naa funɛ nyɛn o wati, fun yir sɛria nidiile ta awa Ju tim nihɛɛti ta maga ba lagmi o wati a tum Koosa bar jɛɛmi dam ti niilɛ di ba lisi nitumɛ ba naa ba tɔ dɛ chen, a wa.

Tuma 5:27

Ba fun kpa ba wa nihɛɛta ba naa funɛ lagmi dooni suwachak. Koosa dam kɔkɔɔrsi ta nihɛɛ ti fun pɛɛsi ba,

Tuma 6:12

Ba fun burgi nara tima bɔnɛ, Ju tim nihɛɛti ta awa Koosa chiksɛ nibiksɛ ta a du un ni a wa kpak un a chiŋsi Koosa dam kɔkɔɔrsi ta awa sɛria nidiile ta suwachak ni.

Tuma 6:15

Ba funɛ sɛm peti, Koosa dam kɔkɔɔrsi ta awa sɛria nidiile ta maga funɛ nyini Stivin se ni a na ka o se chi Koosa malaikasi ta digi se.

Tuma 7:37

Mosis nɔ fun ŋɔ Ju tim ta ni, ‘Koosa zi lisi witinsi ta digiu a li ma ni a tum un ma wati a chi chenani o fun tum min ma wati nan.’

Room 12:10

Ma wa ma dɔŋtima ya nibɛgimnɛ Kristo daha. Chendaha maa daŋni dɔŋa nɛnɛ aa kpak un ma bambe ni di ma nyɛ dɔŋa wa jirima.

1 Kɔr. 6:10

a la ŋmɛ, a kpa malɛ a burgi ba kina, a la nyɔ sin a dɛɛsi, a la chɔk nara sɔna a la fuksi nara a la kpaksi nara kina kpok ni, ba nidigi wa kikoti a zu Koosa koor ti.

1 Kɔr. 6:6

Ma naa ya Yesu nitiŋɛ ta yaa kpa dɔŋa a la sɛria bar diili dɛ di ba naa vɛ tiŋ Yesu di ma sɛria.

1 Tɛs. 4:6

Nandigi ta daŋni o dɔŋtiin haan, akoo fuksi un. Nar la ya nan, o tum tum taginnɛ a nyɛ un. Ya funɛ piin ŋɔ mau kin na wɛu a tɛ ma nin kinkan di ba naa la tum tum tagna nan, Koosa zi wa lɛrgi ba diŋsau a ta ba yɔri.

Tait. 3:2

Kibiksi ba di ba fiɛŋ ba chɔk nibinsa sɔna, amaa o lawa ba ya nibin wereu awa nibin jɛrgɛ a kpak bara sɔɔna nara maga wati.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

Jems 2:20

Ma ya womniwa kinkan. Mu ŋɔ ma di nar si su Yesu ka o vɛ tum tum were, o zi suuli ti ya yɔrirɛ.

Jems 3:6

Nibine zulum chi dinne. Ya zuluma kote a sɛm sɛm tagna a naa kurgɛɛ kinkan a la chɔk chenani ya bambe du. Hali o chi din naa yaa li sintana ni aa chɔk kina maga ya daŋni yaa tum.

1 Pita 2:23

Ba funɛ pini o zoma a vɛ weri, o wa fun bur a pini ba zoma. Ba funɛ nyɛ o namsi, o wa fun a hɔɔsi ba, amaa o funɛ kpa o titu a du Koosa naa la di nara maga sɛria wa wuti ni nin ni.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.

1 Jɔn 2:9

Nar ŋɔɛɛ di o nyɛn bar chaani nɛɛ a ha o dɔŋtima, o ha vɛɛn nyɛn birsa nɛɛ.

1 Jɔn 3:10

Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.

1 Jɔn 5:16

Ma na ma dɔŋtima ka ba tum tum tagna naa Koosa zi vɛ lɛrgi ba diŋsau ba siti, ma sumi un ba gil ba tum tagna ka o kpa o mi fali ti a nyɛ ba. Ba duŋduŋnɛ mu ŋɔ ma, di ma sumi Koosa a nyɛ ba chen. Nara tum tum tagna naa Koosa zi wa lɛrgi ba diŋsau ba siti, ma ta sumi Koosa a nyɛ ba.

Juud 1:9

Hali Koosa malaikasa nyuhu tiina naa ba yir Maikil, wa tun nan. O wa sintana funɛ di amɔrɛ di anti maa wa dɔ Mosis bara, o titi wa fun pini sintana zoma a di un sɛria, amaa o funɛ ŋɔ di Koosa la zi zulimi un.

JɔnN Deesi 20:14

Ba fun kpa sou kpok awa nisitɛ bar nyɛni a yo du bɛɛŋ naa din nyɛn saha maga ni di a wa chɔk.