Mat. 4:24 - Tampulma

²⁴ O laaboora fun pisi a su pulum naa ba funɛ yir Siiriya chen, chen ni ba naa funɛ nyɛn dooni, ba fun kpa wichɔɔrsi ta a wa di o tiibi fun nyɛn ba. Alizin tagna funɛ kani nara tima bɔnɛ nyuhu ni, kigbimgbiŋsa ka fun nyɛn ba bɔnɛ ni, ba bɔnɛ nisa awa naŋgere ka fun siti. Yesu fun tiibi ba maga.

Mat. 4:24 ပူးပေါင်းရင်းမြစ်များ

Mat. 12:22

Doone nara bɔnɛ fun kpa baal digi a wa Yesu wati. O funɛ ya nyulumnɛ awa wom, domi alizin tagin funɛ nyɛn un ni. Yesu fun tiibi un, chen ni o fun bur a na a la sɛm.

Mat. 14:1

Chen saha ti Galili tim koora naa ba funɛ yir Hɛrɔd chen, fun nu Yesu wɛ.

Mat. 15:22

Ba fun lul haan digi dooni. O fun wa sumi Yesu, “Mu kunyan koor Devid bi luli, kpak min siki. Alizin tagin kanɛ mu nihabichɛl nyuhu ni a vɛ weri.”

Mat. 17:15

a ŋɔ, “Mu kunyana, kpak mu nibabichɛl nɔ siki. Kigbimgbiŋ nyɛn un ni a namsi un. Saha maga o yaa chesi din nɛɛ awa ni ni a daŋni o kpu o titi.

Mat. 17:18

Ba fun kpa un a wa. Yesu fun ŋɔ alizin tagin ni di o li be ti ni. Be ti fun vaan na alaafɛ.

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Mat. 8:28

Ba funɛ la ji bɛɛŋ ti jibaŋ kinkin ti, ba fun wa tel Gɛrasin tima pulum. Nara balɛ fun nyɛn dooni a kpak alizin tagna ba nyuuni ni. Nandigi wa fun kpak kpok a kaali ba. Chendaha nandigi wa fun koti a gba dooni. Yesu funɛ wa li arŋ ti ni, nara balɛ ta fun wa li doonani nara yaa sogli ba nawaalsa di ba wa chem un.

Mat. 8:33

Ba naa funɛ nyini kurchusi ta chen, ba fun chɔ kaali ba tɔha a la ŋɔ ba naa nyɛn dooni chenani ya ba naa alizin tagni ta fun nyɛn chen.

Mat. 8:6

O fun ŋɔ Yesu ni, “Mu kunyana, mu tumtumna nyɛn mu dam ni. O nisa awa o naŋgere sou ka o wi kinkan.”

Mat. 9:26

Chenani Yesu fun tum chen mɔɔli a su tɔsi naa maga go dooni.

Mat. 9:35

A saha tirɛ Yesu funɛ gba aa go tɔsa awa tɔ wisa. O fun a biksi nara tima Koosa koor laaboor weri ti wɛ a li ba bar lagmi dɛɛni ta ni. O gbanko funɛ tiibi wichɔɔrsa magau.

Maak 1:28

Lalaknɔ ba naa maga nyɛn Galili pulum ni fun nu chenani o tum.

Maak 1:32

Nha funɛ chel chen, tɔhɔn ti tima kpa ba wichɔɔrsa awa ba naa alizin tagna nyɛn ba ni a wa Yesu wati.

Maak 2:3

Saha naa Yesu funɛ ŋɔ ba Koosa wɛ chen, nara bɔnɛ fun chuŋi baal naa nisa awa o naŋgere funɛ sou. Ba funɛ ya nara banaasiwa a kpa un a sak amaŋka ni a daŋni ba kpa un a wa Yesu wati.

Maak 2:4

Ba wa fun koti a kpa un tel doonani Yesu chiŋi chen, domi zɛmɛ funɛ iiu kinkan. Adaha ba fun zini pɛŋ ti daha a hur bɔ, a kpa ŋmɛnsa a vɔti amaŋka ti luksa naasi a kpa un a tu Yesu suwachak ni a li dɛ ti bambaan ni.

Maak 2:9

Baal naa naŋgere awa o nisa funɛ sou chen, n ŋɔ un di Koosa gil o wu tagna a nyɛ un koo n ŋɔ un di o si a val, o leema bɔm?

Luk 2:2

O funɛ gur nara tima maga, baal digi funɛ ya nihɛɛ a li Siiriya pulum ni. Ba funɛ yir un Sairinius.

Luk 4:14

Yesu fun li dooni a bur kaali Galili pulum. O bur waali laaboora fun mɔɔli tɔsi naa nyɛn doon maga ni. Koosa siim weri ti kpok funɛ nyɛn un ni.

Luk 4:38

Yesu fun si a li ba bar lagmi dɛ ti ni a la zu baal naa ba yir Simɔn dama. O hila funɛ wi. Kabilima funɛ kpak un ka o fun chɔ dam ti ni. Saha naa Yesu fun la tel doon chen, ba ŋɔ un haan ti wɛ.

Luk 5:15

Amaa laaboor naa Yesu fun tum chen, funɛ mɔɔliu a gbaari. Zɛmɛ kinkan fun wa o wati di ba nu o biksi ti ka o tiibi ba wichɔɔrsa.

Luk 5:24

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi kotiu a gil nara wu tagna a nyɛ ba.” O fun ŋɔ wichɔɔr ti ni, “Mu sɛm hinu, si chiŋi a la dama.”

Luk 7:17

Laaboor naa Yesu tum wɛ fun li a mɔɔli Judia pulum maga awa tɔsa naa go un.

Jɔn 10:21

Ba bɔnɛ ka fun ŋɔ dɔŋ ni, “Alizin tagin nyɛn nar ni, o wa kikoti a sɛm nan. Alizin tagin wa kikoti a lɛli naa ba fun lul wa nyulumsa, se.”

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 15:23

Nannɛ ba fun sɔbi a li tɔn nɔ ni. “Nitumɛ ta awa Yesu nitiŋɛ nihɛɛta, ba naa ya ma niinbisa, sɔbi tɔn nɔ a zaami Yesu nitiŋɛ ba naa vɛ ya Ju tima a nyɛn Antiɔk, Siiriya pulum awa Salisia pulum ni.

Tuma 15:41

a kaali Yesu nitiŋɛ ba naa funɛ nyɛn Siiriya pulum awa Sailisia pulum ni, a suŋi ba ba kpak Yesu nɛnɛ a gbaari.

Tuma 28:9

Chenani o fun tum chen laaboora mɔɔli pulum naa ni go chen maga. Ba naa maga funɛ wi a nyɛn dooni fun wa Pɔɔl wati o tiibi ba.

Tuma 8:7

O funɛ ŋɔ alizin tagna ni di a li nara tima bɔnɛ ni a fun huusi kinkan a li ba ni. O gbanko fun tiibi ba naa nisa awa naŋgere sitɛɛ awa ba naa la chel chɛrsa.