Mat. 28:9 - Tampulma

⁹ Ba funɛ nyɛn nyinbaan ni a chɔ la, Yesu titi fun chem ba a zaami. Ba fun la gbiri o suwachak ni a kpak o naŋgere a la jɛɛmi un.

Mat. 28:9 ပူးပေါင်းရင်းမြစ်များ

Mat. 14:33

O gantɛl tiŋsa ba naa funɛ kpalimi arŋ ti tuhu ni, funɛ jɛɛmi Yesu a ŋɔ, “Wutirɛ i ya Koosa bere.”

Mat. 23:7

Ba yaa daŋni narawa kizaami ba a li yau ni a kinyɛ ba jirima a kiyir ba nibiksɛ.

Mat. 28:10

Yesu fun ŋɔ ba, “Ma ta ɔmi. Ma la ŋɔ mu gantɛl tiŋsi ta ni di ba wa pu min Galili ni.”

Mat. 28:17

Ba funɛ la pu unu a jɛɛmi un, ba bɔnɛ funɛ beeli di Yesu laata.

Mat. 28:8

Nihaan tima tusa fun sɔɔni kinkan amaa hansura gbanko funɛ nyɛn ba niu. Ba fun si a chɔ kaali lalaga di ba la ŋɔ o gantɛl tiŋsi ta ni chenani malaika ti sɛm ba.

Luk 1:28

Malaika ti fun wa zaami Mɛri a ŋɔ un, “Koosa dugli hinu a daŋni o suŋi hin.”

Luk 24:52

Ba fun jɛɛmi un dooni a bur li kaali Jɛrusalɛm wa tu sɔɔni kinkan ni.

Luk 7:38

O fun wa gbiri Yesu chakpal ni. O fun a wi ka o sini chesi a pɔr Yesu naŋgere. O fun kpa o nyuk ziŋɛ a fiisi a a hul. O fun mɔksi a a biti nu naa sɔɔra weree a du o naŋgere ta ni.

Jɔn 12:3

Ba funɛ di chene, Mɛri fun kpak tulale awa gbakme suha naa malɛ fun a kpok kinkan, a biti o maga a du Yesu naŋgere ni a fiisi a awa o nyuksi ni. Dam ti maga fun su wa tulale ti sɔɔra weri ni.

Jɔn 20:19

Aleedi wuzu dusum, Yesu gantɛl tiŋsi ta fun lagmi dɔŋ ni dam ni a kpari bulzɔɔnɔsa. Ba funɛ far bulzɔɔnɔsi ta chene domi ba funɛ ɔm Ju tim tawa. Doone Yesu fun wa chiŋi ba bambaan ni a ŋɔ, “Koosa nyɛ ma bara sɔɔna”.

Jɔn 20:28

Tɔmas fun ŋɔ un, “Hin ya mu kunyana Koosa.”

2 Kɔr. 13:11

Ya niinbisa, lalaknɔ ya daŋni ya mak tɔn nɔ sɔbi bar nɔwa. Ma nu chenani mu sɛm ma chen a kɔɔri kin nawara vɛ deŋli maga. Ma kpak nɔ bɛgim wa dɔŋ ni a kpak bara sɔɔna awa dɔŋ ni. Koosa naa la daŋni ma a la nyɛ ma bara sɔɔna, o zi suŋi mau a chi nan.

JɔnN Deesi 3:9

Ma nu mu wati. Ba naa ŋɔ ma di ba ya Ju timwa a ya nusun tima, sintana dɔ ba. Mu zi nyɛ ba wa gbiri ma suwachak niu a nyɛ ma jirima, domi ba zimu di mu daŋni mau.