Mat. 28:6 - Tampulma

⁶ O wa bu to bar nɔ. O si o sou niu a chi chenani o fun ŋɔ ma chen. Ma wa nyini doonani ba fun kpa un dau chen a na.

Mat. 28:6 ပူးပေါင်းရင်းမြစ်များ

Mat. 12:40

Koosa fun tum nyin zen di o lil Joona. O nyɛn o tuha ni wuzu butora a li. Chen vɛɛna ba wa kpu n waa nibine be, ba zi wa te sogli minu wuzu butora wuzu ka mu wa si mu sou ni.

Mat. 16:21

Chen saha ti kpa la, Yesu fun a biksi o gantɛl tiŋsi ta a ŋɔ ba, “O lawa mu la Jɛrusalɛmu. Doonee tɔhɔn nihɛɛta awa Koosa dam kɔkɔɔrsi ta awa Koosa chiksɛ nibiksɛ ta zi wa nyɛ mu namsiu kinkan ka ba kpu min. Amaa wuzu butora wuzu n zi si a li mu sou niu.”

Mat. 17:23

Amaa ba wa kpu min, wuzu butora wuzu n zi si mu sou niu.” O gantɛl tiŋsi ta fun nu o sɛma, ba tusa chɔk.

Mat. 17:9

Saha naa ba fun li bi ti nyuhu ti a tu wa chen, Yesu fun ŋɔ ba, “Kinkin naa ma na nan, ma fiɛŋ ma wa sɛm nandigi ni, hali a wuzu naa mu waa nibine be wa si a li mu sou ni.”

Mat. 20:19

a kpa min du ba naa vɛ ya Ju tim ta nisa ni. Ba zi wa mɔmsi minu a tuk min a zi kpu min. Wuzu butora wuzu Koosa zi lɛli minu a li n sou ni.”

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Maak 16:6

Bunɔɔn ti fun ŋɔ ba, “Ma ta nyɛ o ya ma alaazibu kinkan. N zimu di ma dɛu Yesu Nazarɛtrɛ, naa ba fun kpu daakakli ti ni chen. O wa bu to bar nɔ. O si o sou niu. Ma wa nyini doonani ba fun kpa un dau chen a na.

Maak 8:31

Doone o fun a biksi ba a ŋɔ, “Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min. Amaa wuzu butora wuzu n zi si a li mu sou niu.”

Luk 24:12

Amaa Pita funɛ siu a chɔ kaali hugil ti a la kugili nyini o tuhu ni a na Yesu gar mɛɛsɛ ta ka a chɔ a duŋduŋ. O fun bur kaali dama a la beeli kinkin naa yɛɛ.

Luk 24:23

amaa ba wa fun na o bara. Ba fun bur wa ŋɔ ya di ba la pu Koosa malaikasiwa a fun ŋɔ ba di o si o sou niu.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 10:17

“Mu nyan ti daŋni minu, domi mu saksɛu di mu sou a nyɛ a. N wa sou, mu zi si a li mu sou niu.

Jɔn 2:19

Yesu fun ŋɔ ba, “Mu zi tum tum zenu a nyɛ ma. Ma zak Koosa bar jɛɛmi dam nɔ a lɔ ka mu sa un wuzu butora wuzu.”

Tuma 2:24

O fun lɛli Yesu a li o sou ni a nyɛ o namsi ti peti. O wa fun deŋli di o kpalimi o sou ni.