Mat. 26:24 - Tampulma

²⁴ N waa nibine be zi wa sou a chi chenani ba fun sɔbi a li Koosa sɛm tɔn ti ni chen. Yɛrɛ o kaa wa du naa kaa wa li mu gantɛl. Ba fu vɛ lul chen tiina, o fu bɔu.”

Mat. 26:24 ပူးပေါင်းရင်းမြစ်များ

Mat. 18:7

Nibin bɔnɛ yaa daŋniu di ba mur nara ba tiŋ wu tagna nyinbaan.

Mat. 26:31

Yesu fun ŋɔ ba, “Ba funɛ sɔbiu a li Koosa sɛm tɔn ti ni, ‘Koosa zi wa kpu piisi nigbaŋiu ka o piisisi ta maga pisi dɔŋ ni.’ Dusum nɔ ma maga kaa wa pisiu a gil min.

Mat. 26:54

Mu ya chen, kin nawara ba fun a sɔbi n wɛ a li Koosa sɛm tɔn ti ni chen, wa zi wa ya wuti.”

Mat. 26:56

Chenani Koosa witinsi ta fun sɔbi saha digi a li o sɛm tɔn ti ni, chen la ya zinan.” Doone o gantɛl tiŋsi ta maga fun si chɔ kaali a ka un.

Maak 14:21

N waa min nibine be zi wa sou a chi chenani ba fun sɔbi a li Koosa sɛm tɔn ti ni chen. Yɛrɛ o kaa wa du naa kaa wa li n waa nibine be gantɛl. Ba fu vɛ lul chen tiina, o fu bɔu.”

Maak 9:12

O fun ŋɔ ba, “Wutirɛ, Ɛlaija funɛ sir te wau a wa ya kina maga siri. Ba funɛ sɔbiu a li Koosa sɛm tɔn ti ni, n waa min nibine be wa wa, ba zi wa zɛɛmi min a namsi min. Yɛrɛ ba fun sɔbi chen?

Luk 22:22

O ya Koosa tutɔrɛ n waa nibine be zi wa sou lalaga. Naa kaa wa li mu gantɛl nan, yɛrɛ o zi wa du un ni?”

Luk 24:46

a ŋɔ ba di ba sɛm di naa Koosa vɔu di o tum chen zi wa namsiu a sou ka Koosa lɛli un a li o sou ni wuzu butora wuzu.

Jɔn 17:12

Mu wa ba lagmi nyɛn dɔŋ wati nan, i kpokre mu fun kpa a nyini ba. Ba nibɛgim duŋduŋ ya nibin yɔri a fun lisi o nin a li ya ni. Chenani ba fun sɔbi o wɛ a li Koosa sɛm tɔn ti ni chen ya wutirɛ.

Jɔn 19:24

Ba fun ŋɔ dɔŋ ni, “Ma ta nyɛ ya chɛɛsi un. Ma nyɛ ya yo walɛ a naa anti kaa di un.” Lanjimasi ta funɛ ya chene, di chenani ba fun sɔbi a li Koosa sɛm tɔn ti ni saha digi zi ya wutiu. Ba funɛ sɔbiu a ŋɔ, “Ba kpa mu kilaarɛu a purigi bɔni dɔŋa a ka mu takta we di ba yo walɛ a naa anti kaa di un.”

Jɔn 19:28

Nan gantɛl nɛɛ Yesu fun zim di o tum petiu. O fun ŋɔ, “Nyɔksa kpak min.” O fun ŋɔ sɛm ta chenani ba fun sɔbi a li Koosa sɛm tɔn ti ni chen zi ya wutiu.

Tuma 2:23

Waa funɛ ya naa ma kpak a du tum tagna nitumɛ nisi ni chen di ba la kpaasi un a mari daakakli ti ni o sou chen. Koosa funɛ te zimu di ma zi ya chenu. O funɛ ya o tutɔrɛ di o sou chen ni.

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 4:28

I funɛ piin lisi chenani ba zi ya unu. I funɛ lisi chenu i kpok awa i tutɔ ti daha.

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.