Mat. 23:9 - Tampulma

⁹ Ma ta yir ba naa maga nyɛn tɛɛnɛ nɔ maga ni mu kunyana. Ma maga kpak kunyan bɛgim duŋduŋnɛ. O nyɛn o tɔhɔn ti ni.

Mat. 23:9 ပူးပေါင်းရင်းမြစ်များ

Mat. 23:10

Ma ta daŋni sɔn aa nyɛ nara kiyir ma nyuhu tima. Min, naa ba yir Kristo, mu duŋduŋ ya ma maga nyuhu tiina.

Mat. 6:32

Kin namawa ba naa vɛ ya Ju tima yaa daŋni chen, amaa ma kunyana naa nyɛn o tɔha ti ni o zimu di maa daŋni kin ta magau.

Mat. 7:11

Ma ya nibin tagna, amaa ma zim chenani ma zi kpa kiwere a nyɛ ma bisi ni. Ma kunyan Koosa naa nyɛn o tɔha ti ni, waa kaali ma a la kpa wu were a nyɛ ba naa la sumi un ni.

Tuma 22:1

O fun ŋɔ ba, “Nihɛɛta awa mu dɔŋtima, ma nu mu wati. Chenani mu kaa sɛm nan la zi biksi di mu nin wa toli.”

1 Kɔr. 4:15

Ma kpak nibinsa ba naa la zi biksi ma Kristo wɛ, nidamatau, amaa nibin bɛgim duŋduŋ ya ma nyana. Mu funɛ te biksi ma Koosa laaboor weri ti wɛu ma nu un a nyɛ ma se su Yesu Kristo. Chendaha mu ya ma nyana.

2 Kɔr. 6:18

Mu zi ya ma nyanau, ka ma kiya mu bisa. Mu waa, Koosa, naa kpak kina maga kpok, ŋɔ nan.”

Ju 12:9

Ya titi nyama funɛ buksi ya ka ya nyɛ ba jirima. Koosa naa ya ya nyana gbanko a kpa o mi fali ti a nyɛ ya, buksi ya, o lawa ya nyɛ un jirimau a kaali chenani ya nyɛ ya nyama wa jirimau.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.