Mat. 21:32 - Tampulma

³² Jɔn naa funɛ chaksi nara wa ni ni chen, funɛ wau di o wa biksi ma nyinbaan deŋli ma tiŋ, amaa ma se wa fun su o biksi ti. Lampo nilalɛ ta awa nihaana ba naa la daŋni nibaala yɔri yɔri, ba se ka funɛ su o biksi ti. Hali ma yaa fun a na nan, ma vɛ gil ma tum tagna a tiŋ un.”

Mat. 21:32 ပူးပေါင်းရင်းမြစ်များ

Mat. 11:18

Jɔn funɛ wa a vɔu o nɔ, nara maga funɛ ŋɔ dɔŋ ni di alizin tagin kanɛ o nyuhu ni.

Mat. 21:25

“Tɔ. Jɔn naa funɛ chaksi nara wa ni ni chen, Koosa funɛ nyɛ un chen kpok ti akoo nibinsiwaa?” O funɛ pɛɛsi ba chene, ba di dɔŋa amɔrɛ a ŋɔ, “Ya ŋɔ di Koosa funɛ nyɛ un chen kpok ti, o zi burgi a pɛɛsi yau, yɛrɛ ya se fun vɛ su un?”

Mat. 21:31

Doone Yesu fun pɛɛsi ba, “Ba nara balɛ na, anti tum chenani ba nyana daŋni?” Ba fun ŋɔ un, “Nihɛɛ ti.” Yesu fun bukoo ŋɔ ba, “Wutirɛ mu sɛm ma, lampo nilalɛ ta awa nihaana ba naa la daŋni nibaala yɔri yɔri, ba waa la zi gil ba tum tagna a te ma suwachak a zu Koosa koor ti.

Mat. 5:46

Ma daŋni ba naa la daŋni ma duŋduŋ, yɛrɛ ma kaa ya a na Koosa papaha? Hali lampo nilalɛ gbanko daŋni nara chene.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Ju 3:12

Mu niinbisa, ma doso. Ma ta nyɛ ma se suuli bur gantɛl ka ma tum tum tagna, a bur tiŋ Koosa naa nyɛnɛɛ, nyinbaan.

2 Pita 2:21

Ba funɛ te wa zim Koosa wuti nyinbaan ti a vɛ Koosa chiksɛ ta a li a gantɛl ni. Ba fu vɛ wa zim o wuti nyinbaan ti, chen fu bɔɛɛ.

JɔnN Deesi 2:21

Saha naa mu fun ŋɔ un di o gil o tum tagni chen galɛu. O wara daŋni o bur a li o chɔkumsi tum ta ni.