Mat. 20:34 - Tampulma

³⁴ Yesu fun ɔm ba siki a kpa o nin a gbaŋsi ba se ta. Ba se ta fun vaan lɛli. Ba fun tiŋ un a kaali.

Mat. 20:34 ပူးပေါင်းရင်းမြစ်များ

Mat. 14:14

Yesu funɛ wa li arŋ ti ni, o fun na zɛmɛ kinkan ka ba chiŋi dooni. Ba wɛ fun ya un siki ka o tiibi ba wichɔɔrsa.

Mat. 15:32

Yesu fun yir o gantɛl tiŋsi ta a ŋɔ ba, “Nara nama wɛ kpak min sikirɛ, domi wuzu butoranɛ ba nyɛn mu wati a vɛ kpak diwe a diili. N ta ba nyinbaan di ba la ba damsa awa lɔsa ni, ba zi la gbarigi nyinbaan niu.”

Mat. 20:33

Ba fun ŋɔ un, “Yaa daŋni i lɛligi ya sewa a nyɛ ya.”

Mat. 21:1

Ba fun wa tel tɔha naa ba yir Bɛtfaji chen a fun wa tel bi naa ba yir Ɔlif chen a wa dugli Jɛrusalɛm. Yesu fun a tum o gantɛl tiŋsa nara balɛ a ŋɔ ba,

Mat. 8:15

Yesu fun zu o dɛ a la gbaŋsi o nin. Yesu funɛ ya chen, o kabilima ti peti. O fun si a piili a ya diwe di o nyɛ ba.

Mat. 9:29

Doone Yesu fun kpa o nisa a sak ba se ni a ŋɔ ba, “Nyɛ o ya a chi chenani ma se suuli du.”

Mat. 9:36

O fun nyini zɛmɛ ta, ba wɛ fun kpak un siki, domi muksi funɛ kpak ba kinkan ba daŋni suŋi. Ba funɛ chi piisisi naa vɛ kpak nigbaŋirɛ aa nyuksi.

Maak 7:33

Yesu fun a yir un a li zɛmɛ ta ni a kaali ba duŋduŋ a la kpa o naninsa lɛ a kpa tasi o diŋsi ni a tɔɔsi nantɔ a du o zulum ni.

Luk 18:43

O se ta fun vaan lɛli. O fun tiŋ Yesu a la pɛgi Koosa. Zɛmɛ ta funɛ na chenani yɛɛ, ba gbanko funɛ pɛgi Koosa.

Luk 22:51

Yesu fun ŋɔ un di o gil chen tumi a kpa o nin a gbaŋsi baal ti diŋna a tiibi un.

Luk 7:13

Yesu funɛ na luhaan ti, o fun kpak un siki ka o tuha chɔk a gbaari. O fun ŋɔ un, “Ta wiili.”

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.