Mat. 2:13 - Tampulma

¹³ Ba funɛ kaali, Josɛf fun bukoo na Koosa malaika ti a li o deesi ni. O ŋɔ un, “Koor Hɛrɔd dɛu i be tiu di o kpu un. Si a zer be ti awa o niina a chɔ la Ijipt pulum. Nyɛn doon hali n wa ŋɔ hin di i bur kuwa.”

Mat. 2:13 ပူးပေါင်းရင်းမြစ်များ

Mat. 1:20

Josɛf funɛ lisi a nama maga, Koosa malaikasi ta digi fun wa o wati. Josɛf fun na un a chi oo deesi. Malaika ti fun ŋɔ un, “Josɛf, Devid bi luli, Koosa siim weri ti nyɛ Mɛri kpak lo. Ta ɔmi wa i kpa un wa i dama.

Mat. 10:23

Ba muksi ma a li tɔ digi ni, ma li dooni a la bar digi. Wutirɛ n ŋɔ ma, ma wa zi tum ma tum maga a peti a li Ju tim tɔsi ta ni, hali n waa nibine be wa bur wa.

Mat. 2:12

Ba funɛ hiisi chene, Koosa fun sɛm ba a li ba deesi ni a ŋɔ, “Ma ta bur la Hɛrɔd wati.” Doone ba fun si a tiŋ nyinbaan digi a kaali ba tɔha.

Mat. 2:14

Josɛf fun si lalaga a zer be ti awa o niina dusum ti ni a kaali Ijipt.

Mat. 2:16

Hɛrɔd funɛ zim di hɔɔra tima mur unu, o fun na paan kinkan. O fun yir o lanjimasa a tum ba di ba la kpu nibabichɛsa ba naa maga vɛ tel bunsa lɛ a nyɛn Bɛtlihɛm awa tɔsa naa maga go un ni. Hɔɔra tima funɛ piin ŋɔ unu saha naa Mɛri lul.

Mat. 2:22

Ba funɛ la tel dooni, a funɛ nu di Hɛrɔd be, naa ba funɛ yir Arkɛlaus chen, di Judia koora. Nan sɛm na nyɛ o ɔm di o nyɛn dooni. Amaa Koosa funɛ bukoo ŋɔ unu a li o deesi ni,

Tuma 10:22

Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Tuma 10:7

Malaika ti funɛ kaali, Kɔnilius fun yir o dam bisa lɛ awa o lanjimasa nibɛgim ba wa o wati. Lanjima ti yaa funɛ jɛɛmi Koosau ka o si su un kinkan.

Tuma 12:11

Doone Pita fun zim chenani yɛɛ a ŋɔ o titi ni, “O ya wutirɛ ya kunyan Koosa fun tum o malaikasi ta digi di o wa yisi min a li Hɛrɔd nin ni. O gbanko funɛ yisi minu a li chenani Ju tim ta kaa namsi min niu.”

Tuma 12:7

Koosa malaikasi ta digi fun vaan wa chiŋi dɛ ti ni ka o vaan chaani kinkan. Malaika ti fun la ziigi Pita hampɛɛm o yɛrsi dooni o ŋɔ un, “Si lalaga.” Zɔglɛ ta fun vaan turgi o nisa ni.

Tuma 16:36

Niili ti fun wa ŋɔ Pɔɔl ni, “Sɛria nidiile ta funɛ tum ba wa ŋɔ min di mu lisi i wa Sailas a nyɛ ma la. Maa la a ta chɛɛmi.”

Tuma 5:19

Dusum funɛ wa biri, Koosa malaikasi ta digi fun wa puk dɛ ti zɔɔnɔ a nyɛ ba li a la ŋɔ ba,

Tuma 7:19

O fun mur ya nara a nyɛ ba na namsi. Hali o funɛ muksi bau di ba gil ba bichɛsa a ta kɔha ni ba siti.

JɔnN Deesi 12:14

Ba fun kpa tiisi zen chɛnɛ lɛ a nyɛ haan ti ni di o za a la nyabaan ti, chen ni ba zi nyini un dooni a kok un a li sel ta ni bunsa tora awa pɛnsa nɔra.

JɔnN Deesi 12:4

Sel zen ti fun purigi buudaha butora a lisi bar digi a kpa o munzuha a chaasi wula a ta tɛɛnɛ nɔ maga ni. Sel zen ti fun chiŋi nihaan naa la duuri chen suwachak ni, chen ni o lulɛɛ, o zi se be tiu.

JɔnN Deesi 12:6

Nihaan ti fun chɔ kaali nyabaan. Koosa funɛ kɔɔri bar nyɛni a nyɛ un dooni di o nyɛn ba nyini un wuzu tusuga awa kɔksa lɛ di fumnɔra.