Mat. 18:19 - Tampulma

¹⁹ “Ma nyɛ mu sɛm ma gbaari ma nara balɛ lagmi a sumi kundɔŋ Koosa wati ka ma la nɔɔni chenani ma sumi chen, ma kunyan Koosa naa nyɛn o tɔha ti ni, zi kpa nyɛ mau.

Mat. 18:19 ပူးပေါင်းရင်းမြစ်များ

Mat. 21:22

Ma se su min nɛnɛ, ka ma sumi Koosa di o nyɛ ma kundɔŋ, o zi nyɛ mau.”

Mat. 5:24

ma wa gil ma papaha ti a dau Koosa bar jɛɛmi dam ti ni. Ma la ma niinbe wati lalaga ma la kɔɔri a ya nɔ bɛgim. Ma wa un ya nɔ bɛgim, ma bur kuwa a wa kpa ma papaha ti a nyɛ Koosa ni.

Mat. 7:7

“Ma sumi Koosa di o nyɛ ma kundɔŋ o zi nyɛ mau. Ma daŋni kundɔŋ, o wati ma zi na unu. Ma yir un o zi wa puk zɔɔnɔu ma zu o wati.

Maak 11:24

Maa daŋni kundɔŋ aa sumi Koosa, ma sumi un wa se suuli. Ma sumi un wa se suuli, Koosa zi nyɛ mau.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

Jɔn 16:23

“Chen saha ti ma wa zi wa mu wati di ma wa pɛɛsi min kundɔŋ wɛ. Wutirɛ mu ŋɔ ma, ma zi kotiu a sumi mu nyan ti kin naa ma daŋni mu sɔn daha o nyɛ ma.

Tuma 1:14

Ba wa nihaan bɔnɛ wa Mɛri, Yesu niina, wa o niinbisa funɛ sumi Koosa wa tuha kibɛgimnɛ.

Tuma 12:5

Ba funɛ tɔ un dɛ chene, Yesu nitiŋɛ ta funɛ sumi Koosa awa tu bɛgim ni a nyɛ un.

Tuma 16:10

Baal ti funɛ kaali, ya wa Pɔɔl fun saksi di ya la Masɛdonia, domi Koosa funɛ biksi ya di ya ŋɔ ba naa nyɛn dooni o laaboor weri ti wɛ.

Tuma 6:4

Ya tuma la zi ya yaa sumi Koosa a kibiksi nara o laaboor weri ti wɛ.”

Filip. Tima 1:19

Maa sumi Koosarɛ mu daha ka Yesu Kristo siim weri ti kisuŋi min. Chendaha mu zimu di ba zi wa yisi minu a li dɛ nɔ ni. Kin nama daha, mu tuha gbanko sɔɔni kinkan aa la.

1 Jɔn 3:22

Ya sumi un kundɔŋ, o zi nyɛ yau, domi yaa tiŋ o nɔ sɛmwa a la tum tum naa la sɔɔni o tuha.