Mat. 18:17 - Tampulma

¹⁷ O gbanko vɛ nu ba nɔ, la ŋɔ ba naa ya Koosa nitiŋɛ ni o wɛ ta maga. O vɛ nu ba nɔ, ma ta kpak wu digi wa un ni a chi chenani ma vɛ kpak wu digi wa lampo nilalɛ awa hɔɔra ni chen.”

Mat. 18:17 ပူးပေါင်းရင်းမြစ်များ

Mat. 10:3

Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Mat. 11:19

N waa min nibine be funɛ wa a vɛ vɔu n nɔ, nara maga funɛ ŋɔ dɔŋ ni, ‘Ma nyini baal nɔ. O ya pumpo tiinne a la nyɔ sin kinkan. O ya lampo nilalɛ chɛnnɛ awa ba naa la tum tum tagna gbankore.’ Koosa biksi nara o wuti nyinbaanisa, a naa kurgɛu.”

Mat. 5:46

Ma daŋni ba naa la daŋni ma duŋduŋ, yɛrɛ ma kaa ya a na Koosa papaha? Hali lampo nilalɛ gbanko daŋni nara chene.

Mat. 6:7

“Ma sumi un, ma ta sɛm sɛm damata a chi ba naa vɛ ya Ju tim chen. Ba waa lisi di Koosa zi nu ba sɛmau domi ba sɛmu a vusi.

Luk 15:1

Wuzu digirɛ lampo nilalɛ awa ba naa la tum tum tagna damata fun wa Yesu wati di ba wa nu o sɛma.

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

1 Kɔr. 5:9

Mu funɛ te sɔbi tɔnu a nyɛ ma a ŋɔ di ma ta nyɛ ma wa ba naa la tum chɔkumsa tuma kilagmi.

1 Kɔr. 6:1

Ma naa ya Yesu nitiŋɛ nan ka ma wa ma dɔŋtima kpak dɔŋa, baŋnɛ maa yaa vɛ kpa la Yesu nitiŋɛ ta wati ba la di ma sɛria? Amaa ma yaa la ba naa vɛ tiŋ Yesure. Chen deŋluu?

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.