Mat. 18:10 - Tampulma

¹⁰ “Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Mat. 18:10 ပူးပေါင်းရင်းမြစ်များ

Mat. 1:20

Josɛf funɛ lisi a nama maga, Koosa malaikasi ta digi fun wa o wati. Josɛf fun na un a chi oo deesi. Malaika ti fun ŋɔ un, “Josɛf, Devid bi luli, Koosa siim weri ti nyɛ Mɛri kpak lo. Ta ɔmi wa i kpa un wa i dama.

Mat. 12:20

O zi wa suŋi fara tima ba naa chi kɔ borke chenu. O zi wa kpa o kpok a nyɛ jɛɛgɛ tima ba naa chi fitin nyiksi ni. O wa zi wa gil nan yaali hali o biksi ti wa di.

Mat. 18:14

Chen vɛɛna, i nyan Koosa naa nyɛn o tɔha ni, o wara daŋni bichɛsi ta nidigi nyuksi.”

Mat. 18:6

“Nar wa na bichɛla naa si su min a la mur un di o tiŋ wu tagna nyinbaannɛ, ba kpa ŋmɛn a vɔu nam a zer laari o baŋna a kpa la yo du mɔɔga ni, chen fu zi bɔ o nyɛniu.

Mat. 2:13

Ba funɛ kaali, Josɛf fun bukoo na Koosa malaika ti a li o deesi ni. O ŋɔ un, “Koor Hɛrɔd dɛu i be tiu di o kpu un. Si a zer be ti awa o niina a chɔ la Ijipt pulum. Nyɛn doon hali n wa ŋɔ hin di i bur kuwa.”

Mat. 2:19

Hɛrɔd funɛ sou, Koosa malaika ti fun bur wa Josɛf wati a li Ijipt pulum ni.

Mat. 24:31

Koosa malaikasi ta digi zi wa hu kabulu kinkan. Doone mu zi wa tum ba di ba pisi a su tɛɛnɛ nɔ maga a lagmi o nara ba naa Koosa fun lisi di ba tiŋ un chen.”

Luk 1:19

Malaika ti fun ŋɔ un, “N sɔn ya Gabriɛl. N yaa chiŋi Koosa suwachak nɛɛ. Waa ya funɛ tum min di n wa sɛm hin laaboor weri nɔ.

Luk 10:16

Doone Yesu fun ŋɔ o gantɛl tiŋsi ta ni, “Nara maga nu ma nɔ, mu nɔɔrɛ ba nu chen. Nara maga vɛ ma nɔ, mu nɔɔrɛ ba vɛ chen. Nara maga vɛ min, Koosa naa tum minnɛ ba vɛ.” Yesu fun ŋɔ ba peti chen a tum o gantɛl tiŋsa nara fumnɔpɛ dalɛ ta.

Luk 16:22

Wuzu digirɛ fara tiin ti fun sou. Koosa malaikasi ta fun wa zer un di o wa Abraham lagmi nyɛn a li Koosa tɔhɔn ti ni. Malɛ tiin ti gbanko funɛ wa sou, o walɛ ka fun wa sogli un.

Tuma 10:3

Wuzu digi zaazɔn saha naa niparɛ yaa si ba par ni chen, o fun na Koosa malaikasi ta digi a chi o deesi. Malaika ti fun wa ŋɔ un, “Kɔnilius.”

Tuma 12:15

Ba fun ŋɔ un, “I zu galɛŋwa. O wa kiya un.” O fun bukoo ŋɔ ba di o ya wutirɛ. Ba fun ŋɔ un, “O ya Koosa malaika naa dɛɛsɛ Pitarɛ.”

Tuma 12:23

Koosa malaikasi ta digi fun vaan nyɛ wichɔɔrta kpak Hɛrɔd dau, domi o funɛ la nɔɔniu chenani ba yir un chen a kpa o titi a maksi Koosa. O wa fun vusi ka katamsa se o tuha nawura o sou.

Tuma 27:23

Dusum ti Koosa naa dɔ min awa naa mu jɛɛmi, fun tum o malaikasi ta digi o wa ŋɔ min,

Tuma 5:19

Dusum funɛ wa biri, Koosa malaikasi ta digi fun wa puk dɛ ti zɔɔnɔ a nyɛ ba li a la ŋɔ ba,

Room 14:10

Chen ya wuti, yɛrɛ maa di ma dɔŋtima sɛria saha maga? Yɛrɛ ma nyini ba ba ya chi bichɛsa? Wuzu digi ya maga zi wa chiŋiu a li Koosa sɛria bar diili ni.

Room 14:21

O deŋlu wa ma gil nɛmɛ seeli awa sin nyɔɔli awa kin naa maga la zi nyɛ ma dɔŋtima nyuksi nyinbaanu.

Room 15:1

Ya naa se su Kristo nɛne, o lawa ya suŋi ba naa se vɛ su un nɛne. Ma ta nyɛ yaa lisi ya duŋduŋ kina wɛ,

1 Kɔr. 11:22

Yɛrɛ? Ma wa kpak damsa doonani ma zi di aa kinyɔɔ? Ma wara zɛɛmi Yesu nitiŋɛ taa? Ma wara du Yesu nitiŋɛ ba naa ya fara tim ta wa hiisarɛɛ? Yɛrɛ ma bur a daŋni mu ŋɔ ma? Mu pɛgi maa? Aai. Mu wara pɛgi ma.

1 Kɔr. 16:11

Ma ta lisi di o ya bichɛllɛ, amaa ma suŋi un o koti a li nyinbaan ti awa bar sɔɔni ni a bur wa mu wati. Mu nyini o wa Yesu nitiŋɛ ta nyinbaan niu.

1 Kɔr. 9:22

Mu wa ba naa se vɛ su Yesu nɛnɛ, wa lagmi, mu yaa burgi ba warɛ, chen ni mu zi suŋi bau di ba tiŋ un nɛnɛ. Chenani nibinsa du, mu gbanko du chene, chen ni mu zi la ba bɔnɛu a nyɛ Koosa ni.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

Gal. 6:1

Mu niinbisa, ma nidigi tum tum tagin, ma naa la tiŋ ya kunyan ti nɛnɛ ya jɛrgi o wati a kpaŋi a burgi o nyuha. Maa doso a ta cheli o chi un.

1 Tɛs. 4:8

Adaha ba naa wa vɛ ya biksi nɔ, o wa vɛ chenani nibinsa fun biksi, amaa o vɛ chenani Koosa funɛ biksirɛ. Waa funɛ kpa o siim weri ti a du ma ni.

1 Tim. 4:12

Nyɛ i sɛma awa i nyɛni wa chenani i daŋni nara wa chenani i si su wa i tum were, biksi Yesu nitiŋɛ ta chenani ba zi tiŋ Koosa. I ya chen, nandigi wa zi ŋɔ di i ya bichɛllɛ.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

JɔnN Deesi 8:2

Chen saha ti funɛ wa kaali, ba fun kpa kaabulsa nɔpɛ a nyɛ malaikasa nɔpɛ ta ni. A waa yaa chiŋi Koosa suwachak ni.