Mat. 17:21 - Tampulma

²¹ Nan alizin tagin nɔ ka ma vɛ sumi Koosa nɛnɛ, ma wa kikoti a duŋni un a ta.))

Mat. 17:21 ပူးပေါင်းရင်းမြစ်များ

Mat. 12:45

O bukoo li a gba a dɛu o dɔŋtima alizin tagna kina nɔpɛ a kpa a a bur wa zu dooni. Alizin tagna nɔpɛ ta tum tagna kaali o tuma. Saha naa alizin tagin ti fun tum o tuma peti, chenani baal ti du fun bukoo tagini a kaali o piili ti ni. Nannɛ o zi wa du zinan nara ba naa la tum tum tagna ni.”

Mat. 17:22

Yesu wa o gantɛl tiŋsi ta fun gil dooni a wa Galili. Ba funɛ nyɛn doonee, o fun ŋɔ ba, “Nara zi wa kpa n waa nibine be a nyɛ ba naa la zi kpu min nisa niu.

Maak 9:29

O fun ŋɔ ba, “Nan alizin tagin nɔ ka ma vɛ sumi Koosa nɛnɛ, ma wa kikoti a duŋni un a ta.”

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

1 Kɔr. 7:5

Adaha ma ta vɛ dɔŋa. Nibaal awa o haan vɔwɛɛ a ŋɔ di ba ha gil dɔŋa wuzu bilɛ, chen ni ba zi sumi Koosau awa tu kibɛgim ni a bu wa lagmi dɔŋ ni, chen weree. Amaa o vɛ ya chene, ma ta waligi dɔŋ ni, chen ni sintana wa zi koti a zaamsi ma, domi ma wa kikoti a kpak ma titi nɛnɛ.

2 Kɔr. 11:27

Mu funɛ tumu a la gali a gil mu do bu damata. Nyɔksa awa lɔsa fun a kpak min. Mu kilaarɛ wa fun mak min ka mu vɛ kpak bar chɔɔli wuzu kama.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.