Mat. 16:21 - Tampulma

²¹ Chen saha ti kpa la, Yesu fun a biksi o gantɛl tiŋsi ta a ŋɔ ba, “O lawa mu la Jɛrusalɛmu. Doonee tɔhɔn nihɛɛta awa Koosa dam kɔkɔɔrsi ta awa Koosa chiksɛ nibiksɛ ta zi wa nyɛ mu namsiu kinkan ka ba kpu min. Amaa wuzu butora wuzu n zi si a li mu sou niu.”

Mat. 16:21 ပူးပေါင်းရင်းမြစ်များ

Mat. 12:40

Koosa fun tum nyin zen di o lil Joona. O nyɛn o tuha ni wuzu butora a li. Chen vɛɛna ba wa kpu n waa nibine be, ba zi wa te sogli minu wuzu butora wuzu ka mu wa si mu sou ni.

Mat. 16:22

Pita fun yir un a li cheŋcheŋa a galimi un a ŋɔ, “Koosa suŋi hin chen ta wa ya hin.”

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Mat. 17:12

N ŋɔ mau di Koosa witiina Ɛlaija funɛ piin wau. Nara wa fun zim di o ya warɛ ka ba fun ya un chenani ba daŋni. Ba gbanko zi wa ya mu waa nibine be chenani ba daŋniu.”

Mat. 17:9

Saha naa ba fun li bi ti nyuhu ti a tu wa chen, Yesu fun ŋɔ ba, “Kinkin naa ma na nan, ma fiɛŋ ma wa sɛm nandigi ni, hali a wuzu naa mu waa nibine be wa si a li mu sou ni.”

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Mat. 26:2

“Wuzu zen naa Ju tima yir val la gali ti chen wa tel wuzu bilɛ wuzu. A wuzu ti wa tel, ba zi wa kpa n waa nibine beu a du ba naa la zi kpaasi min a mari daakakli ti ni mu sou nisa niu.”

Mat. 26:47

O ha funɛ vɛɛn a sɛm chene, Judas naa ya o gantɛl tiŋsi ta digi chen, wa zɛmɛ kinkan fun wa. Koosa dam kɔkɔɔrsi ta awa Ju tim nihɛɛti ta fun a tum ba. Ba fun kpak chise zene awa daasa a wa kpak un.

Mat. 27:12

Koosa dam kɔkɔɔrsi ta awa Ju tim nihɛɛti ta funɛ fiksi unu, o moori.

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Mat. 28:6

O wa bu to bar nɔ. O si o sou niu a chi chenani o fun ŋɔ ma chen. Ma wa nyini doonani ba fun kpa un dau chen a na.

Maak 8:31

Doone o fun a biksi ba a ŋɔ, “Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min. Amaa wuzu butora wuzu n zi si a li mu sou niu.”

Maak 9:12

O fun ŋɔ ba, “Wutirɛ, Ɛlaija funɛ sir te wau a wa ya kina maga siri. Ba funɛ sɔbiu a li Koosa sɛm tɔn ti ni, n waa min nibine be wa wa, ba zi wa zɛɛmi min a namsi min. Yɛrɛ ba fun sɔbi chen?

Luk 17:25

Amaa o zi wa te a namsiu kinkan ka tɛɛnɛ nɔ maga nara zi vɛ un.

Luk 24:46

a ŋɔ ba di ba sɛm di naa Koosa vɔu di o tum chen zi wa namsiu a sou ka Koosa lɛli un a li o sou ni wuzu butora wuzu.

Luk 9:31

Ba bara awa ba kilaarɛ gbanko funɛ chaaniu. Yesu wa ba fun sɛm di o wa zi vusi ka o tiŋ Koosa tutɔ a la sou Jɛrusalɛm ni.