Mat. 16:20 - Tampulma

²⁰ Doone Yesu fun ŋɔ o gantɛl tiŋsi ta ni di ba fiɛŋ ba ŋɔ nandigi ni di waa ya Kristo naa Koosa fun ŋɔ di o zi wa tumu wuzu digi chen.

Mat. 16:20 ပူးပေါင်းရင်းမြစ်များ

Mat. 1:16

Jakɔb be funɛ ya Josɛf naa ya Mɛri baal. Mɛri funɛ ya Yesu niina. Yesu funɛ ya Kristo naa Koosa fun ŋɔ di o zi wa tumu wuzu digi chen.

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Mat. 17:9

Saha naa ba fun li bi ti nyuhu ti a tu wa chen, Yesu fun ŋɔ ba, “Kinkin naa ma na nan, ma fiɛŋ ma wa sɛm nandigi ni, hali a wuzu naa mu waa nibine be wa si a li mu sou ni.”

Mat. 8:4

Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ya saha digi chen. Chen la zi biksi nara di i zagumti ti petiu.”

Maak 8:30

Yesu fun ŋɔ ba, “Ma doso ma ta ŋɔ nandigi ni chen wɛ.”

Maak 9:9

Saha naa ba fun li bi ti nyuhu ti a tu wa chen, Yesu fun ŋɔ ba, “Kinkin naa ma na nan, ma fiɛŋ ma wa sɛm nandigi ni, hali a wuzu naa mu waa nibine be zi wa si a li mu sou ni.”

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Luk 9:21

Yesu fun ŋɔ ba, “Ma doso ma ta ŋɔ nandigi ni chen wɛ.

Luk 9:36

Ba funɛ nu peti, ba wa fun bukoo na nandigi amaa Yesu duŋduŋ funɛ nyɛn ba wati dooni. Ba wa Yesu funɛ li bi ti nyuha a tu wa, ba wa fun ŋɔ nandigi ni chenani ba na.

Jɔn 1:41

Andiru funɛ bur a kaali o dama, o fun vaan kaali Simɔn wati a ŋɔ un, “Ya fa na Kristo naa Koosa fun ŋɔ di o zi wa tum wuzu digi chenu.”

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Jɔn 11:27

O fun ŋɔ un, “Mu kunyana, mu si su chenu. Mu gbanko si su di hin ya Koosa be awa Kristo naa o fun ŋɔ di o zi tumu tɛɛnɛ nɔ maga ni saha digi chen.”

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

1 Jɔn 2:22

Naa vɛ la nɔɔni di Yesu ya Kristo naa Koosa fun tum chen, o ya nusun tiinnɛ. Naa vɛ Koosa awa o be Yesu, o ya Kristo dɔmnɛ.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.