Mat. 13:22 - Tampulma

²² Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Mat. 13:22 ပူးပေါင်းရင်းမြစ်များ

Mat. 12:32

Nara pini n waa nibine be, Koosa zi koti a gil chen a nyɛ bau. Nara ka pini Koosa siim weri ti, Koosa wa zi gil chen a nyɛ ba, hali saha naa vɛ kpak bɔ.”

Mat. 13:39

Sintana, naa ya ya dɔm, waa funɛ du kɔsi ta mu ŋmaha ti ni. Kumi saha wa ya tɛɛnɛ nɔ maga siili. Nikumɛ ka wa ya Koosa malaikasa.

Mat. 13:40

Nikumɛ ta wa haasi kɔsi ta a suk din a du a ni. O zi wa du chene tɛɛnɛ nɔ maga siili saha.

Mat. 13:7

Kiduhu ti bɔnɛ ka fun chesi sɔta bar nyɛni ni a nyu a zini. Sɔti ta gbanko fun nyu a si a tɔ a. Chendaha a wa fun koti a lul.

Luk 12:15

Yesu fun burgi a ŋɔ zɛmɛ ta ni, “Nibine kpak un o bambi ni di o ya kin tiina, o tuha wara sɔɔni. Chendaha ma doso a ta tiŋ chen.”

Luk 12:21

Yesu funɛ sɛm a wa mak o bɔ, o fun ŋɔ zɛmɛ ta ni, “Ba naa ya malɛ tima ba titi wati, amaa ba wa kpak wu digi Koosa wati, nannɛ o zi wa du.”

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Luk 8:14

Kiduhu naa funɛ chesi sɔti ta bar nyɛni ni chen chi ba naa nu laaboor ti, amaa tɛɛnɛ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Tuma 8:18

Simɔn fun chiŋi a nyini chenani Pita awa Jɔn kpa ba nisa a saksi ba ni ba la Koosa siim weri ti. O fun lisi malɛ a biksi Pita awa Jɔn,

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

1 Kɔr. 1:20

Ba naa la tiŋ tɛɛnɛ nɔ tim maga zima, ba wa zim Koosa. Koosa nyɛ tɛɛnɛ nɔ tim maga zima ti ya yɔriu.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

1 Kɔr. 2:8

Ba naa maga dɔ tɛɛnɛ nɔ maga wa fun zim zima nɔ wɛ. Ba fu zimɛɛ, ba fu wa zi kpu ya kunyan ti o daakakli ti ni.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.