Mat. 11:23 - Tampulma

²³ Ma Kapɛrnaum tima. Ma waa la daŋni ma zer ma titi buudaha. A wuzu ti wa tel, ba waa la zi zer ma a yo du din dam ti ni. N fu tum alaazibu tum na a li Sɔdɔm tɔhɔn ni saha digi a chi chenani n fun tum ma wati nan, Koosa fu wa zi di ba sɛria a chɔk ba.

Mat. 11:23 ပူးပေါင်းရင်းမြစ်များ

Mat. 10:15

Ma nu mu sɛm na. Koosa wa wa di o wa di tɛɛnɛ tim maga sɛria, o zi kpak sikiu a li Sɔdɔm awa Gamɔra tima a kaali ba.”

Mat. 16:18

Adaha mu gbanko ŋɔ hinu, Pita, ba naa Koosa dɔ chi dam naa n sarɛ. I waa ya o sɛchik. Sintana awa o alizin tagna maga wa zi kut a chɔk un.

Mat. 17:24

Yesu awa o gantɛl tiŋsi ta funɛ wa tel Kapɛrnaum, Koosa bar jɛɛmi dama lampo nilalɛ fun wa Pita wati a wa pɛɛsi un, “I kunyan ti bɔ Koosa bar jɛɛmi dam lampo tiuu?”

Mat. 4:13

O funɛ wa li Nazarɛt a gali a la nyɛn tɔha naa ba funɛ yir Kapɛrnaum ni. Tɔha nɔ funɛ nyɛn Galili bɛɛŋ nɔ nɛɛ. Zɛbulun awa Naftalai tima koora funɛ dɔ un.

Mat. 8:5

Saha naa Yesu fun wa tel Kapɛrnaum chen, lanjima nihɛɛ digi fun wa chem un a sumi di o suŋi un.

Luk 10:15

Ma Kapɛrnaum tima. Ma waa la daŋni ma zer ma titi buudaha. A wuzu ti wa tel, ba waa la zi zer ma a yo du din dam ni.”

Luk 14:11

Nan jɛɛgi nɔ mun ya di nar zer o titi, o zi wa chelu. Nar ka ya jɛrgi, zi wa na zenzenu.”

Luk 16:23

O funɛ namsiu kinkan a li din dam ti ni, o fun a lɛli o se a na Lazarus ka o la kani Abraham wati bar boli ni.

Luk 4:23

O fun ŋɔ ba, “Ma zi ŋɔ min ma jɛɛgɛu naa ŋɔɛɛ, ‘Lure tiina tiibi i titi.’ Ma gbanko zi ŋɔ minu di n tum alaazibu tuma bar nɔ a chi chenani mu funɛ tum a li Kapɛrnaum ni.

Tuma 2:27

Mu zimu di o wa zi nyɛ mu kpalimi mu sou ni. O wa zi nyɛ o tumtum naa o fun lisi bara pɔ.

Tuma 2:31

Waa ya naa Koosa fun ŋɔ di o zi wa tumu wuzu digi chen. Devid funɛ te zimu di Koosa zi lɛli unu a li o sou ni a fun sɔbi a li Koosa sɛm tɔn ti ni a ŋɔ, ‘Koosa wa fun gil un o kpalimi o sou ni di o bara pɔ.’

Juud 1:7

Ma gbanko lisi tɔsi naa ba yir Sɔdɔm awa Gamɔra awa tɔsi naa go a saha digi. Ba naa funɛ nyɛn dooni yau a chi Koosa malaikasi ta yaali. Ba fun a tum chɔkumsi tuma ka nibaala daŋni nibaala. Koosa fun kpa din naa vɛ kpak bɔ a kpa ba du a lɛrgi ba diŋsa kinkan. Nan la biksi ya di ya ta tiŋ chenani ba tiŋi.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 11:8

a nyɛ ba bara chɔ tɔhɔn zen naa ba fun kpaasi ba kunyana a mari daakakli ti, nyinbaan ni. Ba gbanko funɛ yir tɔhɔn ti Sɔdɔm akoo Ijipt.

JɔnN Deesi 20:13

Ba naa funɛ siti ka ba sogli ba tɛɛnɛ awa teku ni ni awa ba naa funɛ nyɛn nisitɛ bar nyɛni ni, ba maga funɛ chiŋi dooni. O fun di ba sɛria a li tum naa ba tum ni.

JɔnN Deesi 6:8

mu fun nyini a na zaaga ka o chi suwasi ni ka o nyɛn dooni. Naa funɛ zini zaag ti chen, sɔn funɛ ya ‘sou’. Nidigi sɔn funɛ ya ‘nisitɛ bar nyɛni’ fun tiŋ o gantɛl. Ba fun purigi tɛɛnɛ nɔ maga bunaasi a lisi bar digi a nyɛ ba di ba kpa nyinbaan kurgɛ a kpu ba naa maga nyɛn dooni. Nara balɛ ta fun kaali a nyɛ lɔsa awa wichɔɔrta chel dooni. Ba gbanko fun kpa chisi zene awa sel zene a kpu ba.