Mat. 10:28 - Tampulma

²⁸ Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

Mat. 10:28 ပူးပေါင်းရင်းမြစ်များ

Mat. 10:26

“Ma ŋɔ nara ni Koosa laaboor weri ti wɛ, ma ta ɔm ba. Kin nawara sogle zi wa li gbampulimu.

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Jɔn 5:29

Ba naa funɛ tum tum were chen, mu kunyana zi lɛli bau a li ba sou ni a kpa o mi fali naa vɛ kpak bɔ a nyɛ ba. Ba naa ka funɛ tum tum tagna chen, o zi lɛli bau a li ba sou ni a na ba galimsa a ta ba yɔri.”

Tuma 21:13

O fun ŋɔ ya, “Yɛrɛ ma nyɛ mu wɛ muksi ma a nyɛ mu bambi buti? N saksɛu di ba kpak min a vɔu ya kunyan Yesu daha. Hali mu saksɛu di mu sou a nyɛ un.”

Ju 10:31

Ba naa wa zu Koosa naa nyɛnɛɛ, nin ni, yɛrɛ hansura zi kpak ba a mak.

Ju 11:35

Koosa funɛ lɛli nihaana ba naa se su un, nisitɛ a li ba sou ni. Ba fun kpaksi bɔnɛ a ŋɔ ba di ba vɛ Koosa, ba zi na nyinbaanu a chɔ li. Ba ka funɛ na namsiu kinkan a sou, chen ni Koosa zi lɛli bau a du nyɛni naa weri a kaali chenani ba fun te nyɛn ni.

Jems 4:12

Koosa duŋduŋ la nyɛ chiksɛ a la di nara sɛria. O duŋduŋ la zi koti a yisi ya a li ya tum tagna ni hali a wa peti akoo a na ya galimsa a ta ya yɔri. Ma di ma dɔŋtima sɛria, yɛrɛ ma lisi di ma yau?

1 Pita 3:14

Hali maa namsɛɛ di ma tum were daha, yɛrɛ ma tusa kaa wa sɔɔni? Chenani nibinsa zi wa ya ma, ma ta nyɛ hansura akoo muksi wa kpak ma.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.