Mat. 1:20 - Tampulma

²⁰ Josɛf funɛ lisi a nama maga, Koosa malaikasi ta digi fun wa o wati. Josɛf fun na un a chi oo deesi. Malaika ti fun ŋɔ un, “Josɛf, Devid bi luli, Koosa siim weri ti nyɛ Mɛri kpak lo. Ta ɔmi wa i kpa un wa i dama.

Mat. 1:20 ပူးပေါင်းရင်းမြစ်များ

Mat. 1:18

Chen funɛ tum ka ba zi lul Yesu. O niin Mɛri fun la nɔɔni di o kaa yu baal naa ba funɛ yir Josɛf, amaa o ha wa fun la o baal ti dama. Chen saha tirɛ o fun zim di Koosa siim weri nyɛ o kpak lo.

Mat. 2:12

Ba funɛ hiisi chene, Koosa fun sɛm ba a li ba deesi ni a ŋɔ, “Ma ta bur la Hɛrɔd wati.” Doone ba fun si a tiŋ nyinbaan digi a kaali ba tɔha.

Mat. 2:13

Ba funɛ kaali, Josɛf fun bukoo na Koosa malaika ti a li o deesi ni. O ŋɔ un, “Koor Hɛrɔd dɛu i be tiu di o kpu un. Si a zer be ti awa o niina a chɔ la Ijipt pulum. Nyɛn doon hali n wa ŋɔ hin di i bur kuwa.”

Mat. 2:19

Hɛrɔd funɛ sou, Koosa malaika ti fun bur wa Josɛf wati a li Ijipt pulum ni.

Mat. 2:22

Ba funɛ la tel dooni, a funɛ nu di Hɛrɔd be, naa ba funɛ yir Arkɛlaus chen, di Judia koora. Nan sɛm na nyɛ o ɔm di o nyɛn dooni. Amaa Koosa funɛ bukoo ŋɔ unu a li o deesi ni,

Mat. 27:19

Pailɔt funɛ kani sɛria bar diili dɛ ti ni, o haan fun holi a ŋɔ un, “Dusum ti mu dɛ namsu kinkannɛ baal nɔ daha a li mu deesi ni. O nin wa to. Adaha i yisi un a ta.”

Mat. 28:5

Malaika ti fun ŋɔ nihaan tima ni, “Ma ta ɔmi. N zimu di ma dɛu Yesu naa ba fun kpu daakakli ti ni chene.

Luk 1:19

Malaika ti fun ŋɔ un, “N sɔn ya Gabriɛl. N yaa chiŋi Koosa suwachak nɛɛ. Waa ya funɛ tum min di n wa sɛm hin laaboor weri nɔ.

Luk 2:4

Josɛf fun li Nazarɛt naa nyɛn Galili pulum ni a kaali tɔhɔn naa ba yir Bɛtlihɛm a li Judia pulum ni. Ba fun lul koor Devid dooni saha digi. Josɛf funɛ ya koor Devid bi lulirɛ. Chendaha o fun kaali dooni.

Tuma 5:19

Dusum funɛ wa biri, Koosa malaikasi ta digi fun wa puk dɛ ti zɔɔnɔ a nyɛ ba li a la ŋɔ ba,

JɔnN Deesi 19:7

Waa ya nizen a kaali kina maga. Chendaha o lawa ya pɛgi unu ka ya tusa sɔɔni kinkan. Saha telu di piisi be ti kpa haan naa saksɛ o titi a pɔ.