Jɔn 9:3 - Tampulma

³ Yesu fun ŋɔ ba, “O nyulumsi ti wa kpak wu digi wa o tum tagna ni koo o nyana awa o niin tum tagna ni. O nyulumu chen ni nara zi na chenani Koosa kpok zi tumu.

Jɔn 9:3 ပူးပေါင်းရင်းမြစ်များ

Mat. 11:5

Nyuluma bukoora nau, gbarigisa val, ka muu tiibi zaguma gbanko. Diŋgbiti tima gbanko nuu ka mu fun lɛli nara a li ba sou ni. Fara tim nɛɛ mu gbanko fun sɛm Koosa laaboor weri ti a nyɛ.

Jɔn 11:4

Yesu funɛ nu laaboor ti, o fun ŋɔ ba naa kani o wati chen, “Lazarus fu kaa sou, o fu wa zi vusi nan. Chenani o du un ni chen zi nyɛ nara kinyɛ Koosa awa o be jirimau kinkan.”

Jɔn 11:40

Yesu fun ŋɔ un, “Mu piin ŋɔ hinu di i si su min, i zi na chenani Koosa tum tum zenu.”

Tuma 28:4

Ba naa funɛ nyɛn pulum ti ni fun na dum ti ka o gasi Pɔɔl nin ti. Ba fun ŋɔ dɔŋ ni, “Baal nɔ funɛ kpu nandigirɛ. Hali ni ti vɛ di un chen, amaa lalaknɔwa o na o nyɔɔra a zi sou.”

Tuma 4:21

Ba fun bukoo tɛ ba nin kpok ni a gbaari a nyɛ ba kaali. Ba wa fun koti a lɛrgi ba diŋsa, domi nara tima maga funɛ pɛgi Koosa a li chenani ya daha.

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.