Jɔn 8:46 - Tampulma

⁴⁶ Nandigi nyɛn ma ni a la zi biksi min di mu tum galimsi tumauu? Nandigi wa to. Mu yaa ŋɔ ma wuti tiu, ka yɛrɛ ma se vɛ su chenani mu ŋɔ ma?

Jɔn 8:46 ပူးပေါင်းရင်းမြစ်များ

Mat. 21:25

“Tɔ. Jɔn naa funɛ chaksi nara wa ni ni chen, Koosa funɛ nyɛ un chen kpok ti akoo nibinsiwaa?” O funɛ pɛɛsi ba chene, ba di dɔŋa amɔrɛ a ŋɔ, “Ya ŋɔ di Koosa funɛ nyɛ un chen kpok ti, o zi burgi a pɛɛsi yau, yɛrɛ ya se fun vɛ su un?”

Maak 11:31

O funɛ pɛɛsi ba chene, ba di dɔŋa wa amɔrɛ a ŋɔ, “Ya ŋɔ di Koosa funɛ nyɛ un chen kpok ti, o zi burgi a pɛɛsi yau, ‘Yɛrɛ ya se fun vɛ su un?’ ”

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 15:10

Mu funɛ tum chenani mu nyan naa la daŋni min, fun ŋɔ min di mu tum, chen ni ya lagmi nyɛni nɔ wa zi bur gantɛl. Chen vɛɛna ma tiŋ chenani mu naa la daŋni ma, fun biksi ma, ya lagmi nyɛni nɔ wa zi bur gantɛl.

Jɔn 16:8

O wa wa, o zi nyɛ tɛɛnɛ nɔ tim maga zim di ba tum tum tagnau. O zi wa biksi ba di Koosa daŋni ba deŋliu o suwachak ni, chen ni o wa zi bu na ba galimsa.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 8:47

Ba naa ya Koosa bisa yaa nu o sɛmau. Ma waa wara daŋni ma nu a. Chen biksɛɛ di ma wa ya o bisa.”

Jɔn 8:7

Ba ha funɛ pɛɛsi un chene, o zer a nyuha a nyini ba a ŋɔ, “Naa vɛ tum tum tagin, waa la zi te yak un wa buŋkul ni.”

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Ju 4:15

Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

1 Pita 2:22

O wa fun kut a tum tum tagin. O wa fun suni wɛ a nyɛ nara ni.