Jɔn 8:28 - Tampulma

²⁸ Doone Yesu fun bukoo ŋɔ ba, “Ma zi wa kpak mu waa nibine beu a kpaasi mari daakakli mu sou, ma zi wa zimu di min ya naa Koosa fun ŋɔ di o zi wa tumu wuzu digi chen. Ma gbanko zi wa zimu di sɛm na wa li mu wati. A ya sɛm naa mu nyan ti fun kpa nyɛ min nɛ.

Jɔn 8:28 ပူးပေါင်းရင်းမြစ်များ

Mat. 24:5

Nidamata zi wa wau a kpa mu sɔn a yir ba titi. Ba maga zi wa ŋɔu di ba ya Kristo naa Koosa fun ŋɔ di o zi tumu wuzu digi chen a mur nidamata. Adaha ma fiɛŋ ma wa tiŋ ba.

Maak 13:6

Nidamata zi wa wau a kpa mu sɔn a yir ba titi a ŋɔ di ba ya minnɛ a mur nidamata di baa tiŋ ba.

Luk 21:8

Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

Jɔn 11:42

Mu titi zimu di i nu mu nɔu, amaa mu sɛm nan a nyɛ hin di ba naa nyɛn bar nɔwa se su di hin funɛ tum min.”

Jɔn 13:19

Mu te ŋɔ mau, chen ni ka nan wa ya, ma se zi su di min ya naa ba fun sɔbi chen wɛ.

Jɔn 16:10

Chenani mu zi chiŋi ba bar chiŋi ni a sou a nyɛ ba a bur la mu nyan ti wati, nan duŋduŋ la zi nyɛ ba deŋli Koosa suwachak ni.

Jɔn 18:32

Chenani Ju tim ta funɛ daŋni Pailɔt kpa Yesu a kpaasi mari daakakli ni o sou nyɛ chenani o fun ŋɔ o gantɛl tiŋsi ta ni chen ya wuti.

Jɔn 19:18

Ba funɛ la tel dooni, lanjimasi ta fun kpaasi un a mari daakakli ti ni di o sou. Ba fun kpaasi nara balɛ gbanko a gbaari Yesu ni, digi o nindil ni, digi o ningal ni.

Jɔn 3:11

Wutirɛ mu sɛm hin, kin naa mu sɛm hin nan, mu funɛ na au a zim a. Amaa i wa funɛ daŋni i nu a.

Jɔn 3:14

“Ju tim nawaal, Mosis, funɛ kpa lugiu a kɔɔri dum a kpa du da ni a fun zer un a tɛ Ju tim bambaan ni a li nyabaan ni. Chene ba zi wa kpa n waa nibine be a kpaasi mari daakakli ni a zer min baŋ,

Jɔn 4:26

Yesu fun ŋɔ un, “N waa naa la sɛm hin nan, min chen.”

Jɔn 5:19

Doone Yesu fun ŋɔ ba, “Chenani mu kaa sɛm ma nan ya wutirɛ. Mu waa Koosa be, wa kikoti a tum wu digi mu titi nyuhu ni. Mu zer mu nyan ninne a li mu tum maga ni.

Jɔn 5:30

“Mu wa kikoti a tum wu digi mu titi nyuhu ni. Koosa yaa biksi min chenani mu zi di nara sɛria. Chendaha mu sɛria diili ya wuti saha maga. Mu wara daŋni mu tiŋ mu tutɔ, amaa naa tum min chen tutɔrɛ mu daŋni n tiŋ.

Jɔn 6:38

Waa funɛ tum min a li o tɔhɔn ti ni di mu wa tɛɛnɛ nɔ maga a wa tum o tutɔ. Mu wa wa di n wa tum mu tutɔrɛ.

Jɔn 8:24

Mu piin ŋɔ mau di ma wa zi gil tum tagna tumi hali a wuzu naa ma wa siti. Ma vɛ nyɛ ma se su min, chene ma kaa wa siti.”

Jɔn 8:27

Ba ha wa fun vɛɛn zim di Yesu ŋɔ ba o nyan Koosa wɛwa.

Jɔn 8:58

Yesu fun ŋɔ ba, “Maa nu chenani mu kaa sɛm ma. Mu funɛ piin nyɛnu ka ba zi lul Abraham.”

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 4:4

Zɛmɛ ta nidamata fun la nɔɔni di Pita sɛm ta ya wutiu a nyɛ ba se su Yesu. Nibaala duŋduŋ funɛ dugli nara tusugsa nyuunu.

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.