Jɔn 7:37 - Tampulma

³⁷ Wuzu zene ta gantɛl tiŋna funɛ ya a kilɛmlɛm. A wuzu tirɛ Yesu fun si chiŋi zɛmɛ ta suwachak ni a tɛsi a ŋɔ, “Ba naa maga nyɔksa kpak, ma nyɛ ba wa mu wati mu kpa ni a nyɛ ba ba nyɔ.

Jɔn 7:37 ပူးပေါင်းရင်းမြစ်များ

Mat. 11:28

“Ma naa maga chuŋi ma bun yuga a ku chen, ma wa n wati. N zi nyɛ ma hiisiu.

Mat. 3:3

Koosa witiina naa ba fun yir Azaaya funɛ sɔbi Jɔn wɛ a li Koosa sɛm tɔn ti ni saha digi. O fun ŋɔ, “Nandigi la mɔɔli nyabaan ni a ŋɔ, ya kunyana wau. Maa saksi ka o zi wa. Ma kɔɔri o nyinbaan o wer.”

Mat. 5:6

Ba naa yaa kpak un ba bambe ni di ba tum chenani Koosa daŋni di ba tum, o zi suŋi bau a nyɛ ba tu sɔɔna.

Jɔn 1:23

Jɔn fun ŋɔ ba, “Mu zi ŋɔ ma chenani mu duu. Koosa witiina Azaaya funɛ sɔbiu a li Koosa sɛm tɔn ti ni saha digi a ŋɔ di Koosa ŋɔ, ‘Mu nitumi nyɛn nyabaan ni a mɔɔli. Ba zi nu o tau ka o ŋɔ, ya kunyana wau. Maa kɔɔri o nyinbaan o weru.’ ”

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 4:11

Haan ti wa fun zim o sɛm ta mun a ŋɔ, “Mu kunyana, i wa kpak guuga ka bugul nɔ luŋ. Leene i kaa la dɛu ni pali a wa nyɛ min?

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 5:40

Ma ka wara daŋni ma wa mu wati a wa la mi fali ti.

Jɔn 6:35

Yesu fun ŋɔ ba, “Mu wa mi fali diwe ta ya kibɛgimnɛ. Lɔsa wa zi bu kpak ba naa wa mu wati. Nyɔksa ka wa zi kpak ba naa nyɛ ba se su min.

Jɔn 6:37

Ba naa mu nyan ti fun kpa nyɛ min chen, zi wa mu watiu n la ba du. Mu wa zi kut vɛ ba naa maga wa mu wati.

Jɔn 6:55

Mu bara ya diwe titi. Mu chɛl ti ya kinyɔɔli titi.

Jɔn 7:28

Yesu yaa fun nyɛn Koosa bar jɛɛmi dam ti ni a biksi nara chene, a fun tɛsi a ŋɔ, “Ma ŋɔ di ma zim minu awa doonani mu li. Mu wa wa mu titi nyuhu nɛɛ. Naa tum min chen, ya wuti tiina ka ma vɛ zim un.

1 Kɔr. 10:21

Ma wa kilagmi a nyɔ ya kunyan kinyɔɔli ti a bu la nyɔ alizin tagna kinyɔɔlɛ. Ma wa kilagmi a se ya kunyan boroboro ti a bu la se alizin tagna namsa.

1 Kɔr. 10:4

a kpa ni a nyɛ ba di ba nyɔ. Ba fun na ka Mosis nyɛ ni li gbɛntɛl ni. Kristo chi gbɛntɛl tirɛ a tiŋ ba aa la,

1 Kɔr. 11:25

Ba funɛ di diwe ta peti, o zer gbakme a ŋɔ, “Kinyɔɔli naa chi mu chɛl nan, biksi ya wu fali bɛgimnɛ di ya wa Koosa ya nɔ bɛgimnɛ. Maa nyɔ un a kilisi mu wɛ.”

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

JɔnN Deesi 21:6

Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 22:17

Koosa siim weri ti awa piisi be haan ti la ŋɔ, “Ma wa.” Ba naa maga nu ba sɛma zi gbaari a ŋɔ, “Ma wa.” Ma naa maga nyɔksa kpak, ma wa nyɔ Koosa mi fali ni yɔri.