Jɔn 5:39 - Tampulma

³⁹ Ma yaa karimi Koosa sɛm tɔn ti saha maga. Ma karimi ti nyɛ ma se su di ma zi na mi fali naa vɛ kpak bɔu. Amaa o sɛm tɔn ti biksi ma mu wɛ.

Jɔn 5:39 ပူးပေါင်းရင်းမြစ်များ

Mat. 22:29

Yesu fun ŋɔ ba, “Ma wa zim Koosa sɛm tɔn ti ni nɛnɛ. Chendaha ma nyuksi nyinbaan. Ma wa vɛɛn zim o kpok gbanko.

Maak 10:3

Yesu fun burgi a pɛɛsi ba, “Yɛrɛ Mosis fun biksi ma di ma tiŋ?”

Maak 12:10

Yesu fun pɛɛsi ba, “Ma ha wa karimi Koosa sɛm tɔn ti aa zim o mun doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigii? Koosa zi kpa unu a baŋ dɛ ti zɛchik ni.

Luk 16:29

Abraham fun ŋɔ un, ‘Mosis awa Koosa witinsi ta funɛ sɔbi sɛm damatau a wa biksi nara bar namsi ti wɛ a du Koosa sɛm tɔn ti ni. Nyɛ i niinbisa karimi chenani ba sɔbi chen aa tiŋ ba nɔ.’

Luk 16:31

Amaa Abraham funɛ ŋɔ unu, ‘Hali nandigi wa si o sou ni, ba wa zi nu o sɛma, domi ba piin vɛ Mosis awa Koosa witinsi ta nɔu.’ ”

Luk 24:25

Yesu fun ŋɔ ba, “Yɛrɛ ma wom mak. Ma sɔɔnɛu wa ma zim Koosa witinsi ta sɛma naa ba fun sɔbi saha digi chen.

Luk 24:27

Ba ha funɛ vɛɛn a val nyinbaan ni chene, Yesu fun biksi ba chenani Mosis awa Koosa witinsi ta maga fun sɔbi o wɛ saha digi chen a li Koosa sɛm tɔn ti ni.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Jɔn 5:32

Amaa Jɔn naa chaksi nara wa ni ni chiŋɛ mu gantɛl ni. Chenani maga o sɛm nara ni mu wɛ ya wutirɛ. Ma titi funɛ tum nara di ba nu o sɛm ta a bur wa ŋɔ ma.

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 5:40

Ma ka wara daŋni ma wa mu wati a wa la mi fali ti.

Jɔn 5:46

amaa ma se wa su un. O funɛ sɔbi mu wɛu a li Koosa sɛm tɔn ti ni saha digi. Ma se su un, ma zi nyɛ ma se su minu.

Jɔn 7:52

Ba fun pɛɛsi un, “I gbanko ya Galili tim narrɛɛ? Koosa sɛm tɔn ti bar digi wa to ba fun sɔbi di o witinsi ta digi ya Galili narrɛ.” ((

Tuma 13:27

Jɛrusalɛm tim ta awa ba nihɛɛta wa fun zim di Yesu ya naa Koosa fun ŋɔ di o zi ya chenu a nyɛ ba. Ba gbanko wa fun zim chenani Koosa witinsi ta fun sɔbi o wɛ a li Koosa sɛm tɔn naa ya yaa karimi ya hiisi wuzuna, ni chen mun. Jɛrusalɛm tim ta awa ba nihɛɛti ta funɛ di Yesu sou sɛria, ba fun nyɛ Koosa witinsi ta sɛm ta ya wuti.

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Tuma 26:27

Koor Agripa, mu zim di i si su chenani Koosa witinsi ta fun sɔbi a li Koosa sɛm tɔn ti ni chenu.”

Room 1:2

Laaboor weri nɔ ya kin nawara o fun vɔu saha digi chen a fun nyɛ o witinsi ta sɔbi a li o sɛm tɔn ti ni.

Room 3:2

Ju tim ta kpak nyusumu a kaali ba a li wu damata ni. Wu birigi naa Koosa fun biksi o sɛma a du Ju tim ta nin ni.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

Ju 11:16

Amaa ba funɛ daŋni ba zu tɔhɔn naa Koosa titi fun sarɛ. Tɔhɔn ti zen kaali pulum naa ba li chen ni kinkan. Koosa tuha sɔɔni di ba yir un ba Koosa. Chendaha o fun saksi ba bar nyɛni a li o tɔhɔn ti ni a nyɛ ba.

Ju 11:35

Koosa funɛ lɛli nihaana ba naa se su un, nisitɛ a li ba sou ni. Ba fun kpaksi bɔnɛ a ŋɔ ba di ba vɛ Koosa, ba zi na nyinbaanu a chɔ li. Ba ka funɛ na namsiu kinkan a sou, chen ni Koosa zi lɛli bau a du nyɛni naa weri a kaali chenani ba fun te nyɛn ni.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.