Jɔn 3:27 - Tampulma

²⁷ Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Jɔn 3:27 ပူးပေါင်းရင်းမြစ်များ

Mat. 21:25

“Tɔ. Jɔn naa funɛ chaksi nara wa ni ni chen, Koosa funɛ nyɛ un chen kpok ti akoo nibinsiwaa?” O funɛ pɛɛsi ba chene, ba di dɔŋa amɔrɛ a ŋɔ, “Ya ŋɔ di Koosa funɛ nyɛ un chen kpok ti, o zi burgi a pɛɛsi yau, yɛrɛ ya se fun vɛ su un?”

Mat. 25:15

O funɛ bɔni o kin timau a nyɛ ba a li chenani ba tum nɛɛ. Nibɛgim fun la sidi tusugsa nyuu, digi fun la sidi tusugsa lɛ, digi ka la sidi tusuga. O fun bɔni chen peti a kaali.

Maak 13:34

O zi wa chi baal naa funɛ si di o la tɔ digi a biksi o tumtumsi maga tum naa ba zi tumu a ŋɔ o dam niili ni di o il o dam ti nɛnɛ a nyɛ un.

Jɔn 10:41

Nidamata fun wa o wati a ŋɔ dɔŋ ni, “Jɔn wa fun tum tum zene, amaa chenani o fun ŋɔ ya baal nɔ wɛ, chen ya wutirɛ.”

Jɔn 6:65

Doone Yesu fun bu ŋɔ ba, “Chendaha mu fun piin ŋɔ ma di nandigi wa kikoti a wa mu wati see mu nyan ti gbaŋ un a wa mu wati.”

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 12:6

Koosa fun kpa o papaha kurgɛ a nyɛ ya di ya tum tuma a nyɛ un. O fun nyɛ ya burgi o witinsa chen ni ya zi kotiu a biksi nara o wɛ, ma nyɛ ya ya chen. Ma nyɛ ya biksi a chi chenani ya se su un.

1 Kɔr. 1:1

Mu waa, Pɔɔl, awa ya niinbe Sɔstenis zaami mau. O funɛ sɔɔni Koosa tuhau o fun nyɛ mu ya Yesu Kristo nitumi.

1 Kɔr. 12:11

Amaa Koosa bɛgim siim weri ti kpa papaha nama maga a nyɛ ya. O tutɔ nɛɛ, o nyɛ ya papaha a kurgi.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 4:7

Anti ŋɔ ma di ma kaali ma dɔŋtima? Koosa funɛ nyɛ ma kin naa maga ma kpak. A maga li Koosa watɛɛ, ka yɛrɛ maa daŋni sɔn di ma titi kpokre ma kpak a nan?

Gal. 1:1

Min waa, Pɔɔl, la sɔbi tɔn nɔ a nyɛ ma. Nara wa fun lisi min di mu ya nitumi, amaa Yesu Kristo awa ya kunyana Koosa naa lɛli un a li o sou ni, funɛ lisi min.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.