Jɔn 20:19 - Tampulma

¹⁹ Aleedi wuzu dusum, Yesu gantɛl tiŋsi ta fun lagmi dɔŋ ni dam ni a kpari bulzɔɔnɔsa. Ba funɛ far bulzɔɔnɔsi ta chene domi ba funɛ ɔm Ju tim tawa. Doone Yesu fun wa chiŋi ba bambaan ni a ŋɔ, “Koosa nyɛ ma bara sɔɔna”.

Jɔn 20:19 ပူးပေါင်းရင်းမြစ်များ

Mat. 10:13

Ba la ma a du, Koosa zi nyɛ ba bar sɔɔnau. Ba ka vɛ la ma duuli, Koosa wa zi nyɛ ba.

Mat. 18:20

Nara balɛ akoo nara batora wa lagmi dɔŋ ni mu sɔn daha, n wa ba zi lagmi nyɛnu.”

Maak 16:14

Doone Yesu gantɛl tiŋsa nara fi di nibɛgim funɛ kani aa di diwe, Yesu fun wa ba wati. O fun zulumi ba, domi ba bambe funɛ kpoku. Ba se wa fun su ba naa ŋɔ ba di o si o sou niu.

Jɔn 14:27

“Mu zi nyɛ ma bar sɔɔnau a chi chenani mu bara du. A wa kaali tɛɛnɛ nɔ tim maga bar sɔɔnau kinkan. Ma ta nyɛ ma bambe bure a ta ɔmi.

Jɔn 16:22

Ma tusa chɔku lalaknɔ. Ma bu wa na min, ma tusa ka zi bu sɔɔniu kinkan. Nandigi wa kilisi ma tu sɔɔn ti a li ma ni.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Jɔn 20:26

Wuzu bunɔpɛ gantɛl ni, Yesu gantɛl tiŋsi ta awa Tɔmas fun bu lagmi dam ti ni a kpari bulzɔɔnɔsi ta. Yesu fun bu wa chiŋi ba bambaan ni a ŋɔ, “Koosa nyɛ ma bara sɔɔna.”

Jɔn 21:1

A gantɛl nɛɛ Yesu fun bu pu o gantɛl tiŋsi ta a li Galili bɛɛŋ nɔ ni. Bɛɛŋ ti sɔn digi ya Tibɛrias. Nannɛ o ya.

Jɔn 21:14

O funɛ si o sou ni, butora tiin nɛ o gantɛl tiŋsi ta fun na un.

Jɔn 7:13

Ba maga funɛ ɔm ba nihɛɛtiwa. Chendaha ba vɛ sɛm o wɛ a li gbampulim.

Tuma 1:3

Saha naa Koosa fun lɛli un a li o sou ni hali a la tel saha naa o fun bu zer un a zini o tɔhɔn ti, funɛ ya wuzu fumnaasiwa. Chen saha ti Yesu nitumɛ ta fun bu na Yesu bu damata, ba wa fun bura beeli un di o ya warɛ. O wa ba funɛ lagmi nyɛn, o fun biksi ba chenani Koosa zi wa dɔ nara.

Room 15:33

Koosa naa ya bara sɔɔn tiina, nyɛn ma maga wati. Ami.

1 Kɔr. 15:5

Pita fun bu te na un. Doone o nitumɛ fidalɛ ta fun bu na un.

Ɛfɛ. 2:14

Ju tima awa ba naa vɛ ya Ju tima wa kpak wu digi wa dɔŋ ni. O chi chechepure purige ba dɔŋ ni ba ya dɔma. Yesu Kristo funɛ sou ya daha, o chi o funɛ zak chechepure tire a lɔ a nyɛ Ju tima awa ba naa vɛ ya Ju tima ya nɔ bɛgim.

Ɛfɛ. 6:23

Ya kunyan Koosa awa ya kunyan Yesu Kristo zi suŋi mau awa ma dɔŋtima maga di ma se su ba nɛnɛ, chen ni ma zi kpak nɔ bɛgimu a kidaŋni dɔŋa kinkan.

Filip. Tima 1:2

Ya kunyana Koosa awa ya kunyan Yesu Kristo kisuŋi ma a kinyɛ ma bara sɔɔna.

2 Tɛs. 3:16

Ya kunyana naa ya bara sɔɔn tiina, waa la zi nyɛ ma bara sɔɔna saha maga, a nyɛn ma wati.

Ju 7:2

Abraham fun purigi o kina maga fi fi a lisi a digi a nyɛ un. Mɛlkizidɛk sɔn, o mun ya, ‘koor naa tum o tuma a deŋli’. O gbanko funɛ ya Selɛm tim koorre. Sɔn ti mun ya, ‘koor naa kpak bara sɔɔna awa nara ni’.

3 Jɔn 1:14

Mu kpak bambiu di mu wa na hin lalaga. Mu wa pu hin, ya zi sɛm kin nama wɛu.

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,