Jɔn 19:18 - Tampulma

¹⁸ Ba funɛ la tel dooni, lanjimasi ta fun kpaasi un a mari daakakli ti ni di o sou. Ba fun kpaasi nara balɛ gbanko a gbaari Yesu ni, digi o nindil ni, digi o ningal ni.

Jɔn 19:18 ပူးပေါင်းရင်းမြစ်များ

Mat. 27:44

Ŋmɛɛrsi naa ba fun kpaasi a gbaari un ni chen, gbanko funɛ pini unu.

Jɔn 18:32

Chenani Ju tim ta funɛ daŋni Pailɔt kpa Yesu a kpaasi mari daakakli ni o sou nyɛ chenani o fun ŋɔ o gantɛl tiŋsi ta ni chen ya wuti.

Jɔn 19:32

O fun la nɔɔni a nyɛ ba kaali. Ba fun la borigi nara balɛ ba naa ba fun kpaasi a gbaari Yesu ni chen naŋgere.

Tuma 2:23

Waa funɛ ya naa ma kpak a du tum tagna nitumɛ nisi ni chen di ba la kpaasi un a mari daakakli ti ni o sou chen. Koosa funɛ te zimu di ma zi ya chenu. O funɛ ya o tutɔrɛ di o sou chen ni.

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.