Jɔn 18:37 - Tampulma

³⁷ Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 18:37 ပူးပေါင်းရင်းမြစ်များ

Mat. 26:64

Yesu fun ŋɔ, “Min ya un. Nyɛ mu ŋɔ hin di wuzu digi i zi wa na mu waa nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Mat. 27:11

Yesu fun chiŋi Pailɔt suwachak ni. Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

Maak 14:62

Yesu fun ŋɔ, “Min ya un. Wuzu digi i zi wa na n waa min nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Maak 15:2

Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

Luk 22:70

Ba bɔnɛ fun ŋɔ un, “I ya Koosa beree?” O fun ŋɔ ba, “Min ya un.”

Luk 23:3

Ba funɛ sɛm peti, Pailɔt fun pɛɛsi Yesu, “Hin ya Ju tim koor chenn?” O fun ŋɔ, “Chenani i kut ŋɔ chen.”

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 3:32

Kin nawara o biksi nara, o funɛ na au a zim a. Amaa nidamata wara daŋni ba nu a.

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Jɔn 8:14

Yesu fun ŋɔ ba, “Mu zim doonani mu fun liu a zim doonani mu la. Chendaha sɛm naa mu sɛm mu titi wɛ nan ya wuti. Ma wa zim doonani mu fun li a zim doonani mu la.

Jɔn 8:45

Mu waa ka ŋɔ ma wuti ti wɛwa, amaa ma wa nyɛ ma se su chenani mu sɛm ma.

Jɔn 8:46

Nandigi nyɛn ma ni a la zi biksi min di mu tum galimsi tumauu? Nandigi wa to. Mu yaa ŋɔ ma wuti tiu, ka yɛrɛ ma se vɛ su chenani mu ŋɔ ma?

Jɔn 8:47

Ba naa ya Koosa bisa yaa nu o sɛmau. Ma waa wara daŋni ma nu a. Chen biksɛɛ di ma wa ya o bisa.”

1 Tim. 6:13

Mu chiŋi Koosa naa funɛ naami kina maga, awa Yesu Kristo naa funɛ sɛm a kok o titi nɛnɛ a nyɛ Pɔntius Pailɔt ni a li ba suwachak ni, mu ŋɔ hinu di,

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

1 Jɔn 3:19

Yaa ya chen, ya zimu di yaa tiŋ chenani Koosa daŋni ya tiŋnɛ. Chenani yaa tiŋ un nyɛ ya tusa chɔk, o zi zim ya bambe niu domi o zenu a kaali ya a zim kina maga.

1 Jɔn 4:6

amaa Koosa ka dɔ ya. Ba naa maga zim un, ba waa la nu ya sɛma. Ba naa maga vɛ zim Koosa, ba wa zi nu ya sɛma. Chendaha ya zi zim ba naa ya wuti tima awa nusuna.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.