Jɔn 17:25 - Tampulma

²⁵ Mu nyana naa ya tum were tiina, tɛɛnɛ nɔ tim maga wa zim hin. Mu ka zim hin ka mu gantɛl tiŋsi ta zim di hin funɛ tum min ba wati.

Jɔn 17:25 ပူးပေါင်းရင်းမြစ်များ

Mat. 11:27

Doone Yesu fun burgi a ŋɔ zɛmɛ ta ni, “Mu nyan ti funɛ kpa kina magau a nyɛ min. Mu wa mu nyan ti duŋduŋ zim dɔŋa. Mu nyɛ ba naa mu lisi zim o gbanko.

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Luk 10:22

Doone Yesu fun burgi a sɛm zɛmɛ ta ni, “Mu kunyana funɛ kpa kina magau a nyɛ min. Mu wa mu nyana duŋduŋ zim dɔŋa. Mu nyɛ ba naa mu lisi zim o gbanko.”

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 10:15

Chen vɛɛna mu zim mu nyan tiu ka mu nyan ti ka zim min. Hali mu saksɛu di mu sou a nyɛ mu piisisi ta ni.

Jɔn 15:21

Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.

Jɔn 16:27

Mu nyan ti daŋni mau kinkan a la zi ya chen a nyɛ ma. Ma daŋni minu ka ma se su di mu funɛ li o watɛɛ. Chendaha o daŋni ma a chi chen.

Jɔn 16:3

Ba zi tum nanu a nyɛ ma, domi ba wa zim min koo mu nyan ti.

Jɔn 16:30

Ya gbanko zimu di i zim kina magau, hali chenani ya lisi ya bambe ni. Chendaha ya se su di i li Koosa watɛɛ a wa ya wati.”

Jɔn 17:11

Lalaknɔ mu saksi di mu li tɛɛnɛ nɔ maga ni a wa i wati ka ba kpalimi gantɛl ni. Mu nyana naa ya tu chaan tiina, i funɛ lisi ba a nyɛ min. Kpa i kpok ti a nyini ba nɛnɛ a suŋi ba ba kpak nɔ bɛgim a chi ya.

Jɔn 17:18

Min tum ba di ba la biksi tɛɛnɛ nɔ tim maga i wɛ a chi chenani i fun tum min di mu wa biksi ba chen.

Jɔn 17:21

Kisuŋi ba ba ya nɔ bɛgim dɔŋ ni. Mu nyana, i wa min ya nibɛgimnɛ. Suŋi ba ba wa zim ya a gbaari, chen ni tɛɛnɛ nɔ tim maga se zi su di hin funɛ tum min ba wati.

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 17:8

Sɛm naa i fun sɛm nyɛ min chen, mu funɛ kpa au a ŋɔ ba. Ba se funɛ su di hin tum min ba wati.

Jɔn 3:17

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Jɔn 6:19

Ba funɛ dusi arŋ ti a la tel maalisa tora koo anaasi, ba fun a na Yesu ka o val ni ti daha a wa dugli arŋ ti. Hansura fun kpak ba kinkan.

Jɔn 7:29

Mu waa zim unu. O wa min funɛ te lagmi nyɛn ka o fun tum min ma wati.”

Jɔn 8:19

Ba fun pɛɛsi un, “Leene ya i nyan ti bar nyɛni?” Yesu fun ŋɔ ba, “Ma wa zim chenani mu du. Chendaha ma vɛ zim chenani mu nyan ti duuli. Ma fu zim min, chen fu zi nyɛ ma nyinbaanu ma zim mu nyan ti.”

Jɔn 8:55

Ma wa zim un, amaa mu waa ka zim unu. Mu fu ŋɔ di mu wa zim un, mu fu zi ya nusun tiinau a chi ma ya nusun tim chen. Mu zim unu aa tiŋ o nɔ.

Tuma 17:23

Mu funɛ valu a go ma tɔhɔn ti a na ka ma nyɛ a jirima. Hali mu fun na digi ka nandigi sɔbi un ni, ‘Koosa naa ya vɛ zimi nɛɛnɛ.’ Koosa naa ma nyɛ jirima a vɛ zimi nan, o wɛwa mu kaa ŋɔ ma nan.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Room 1:28

Ba wa fun lisi di o deŋlu di ba zim Koosa. Chendaha o fun kpa ba a ta a nyɛ ba burgi nara a lisi wu tagna a la tum tum tagna a naa vɛ deŋli,

Room 3:11

Nandigi wa toli a nɛɛgi. Nandigi wara daŋni o dɛu Koosa.

Room 3:26

Lalaknɔ o kpak nyinbaan naa o zi bu vɛ na nibinsa galimsau o wati. Nan biksi ya di o ya tum weri tiin naa la zi vɛ na ba naa maga se su Yesu galimsa.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

Ju 8:11

Nandigi wa zi wa biksi o niinbe chenani mu bambi du wɛ, domi ba naa ya nibirige awa ba naa vɛ ya nibirige maga zi zim minu.

1 Jɔn 1:9

Amaa ya la nɔɔni di ya tum tum tagniwa, Koosa zi gil au a nyɛ ya a yisi ya doŋ maga a li ya ni. Ya zimu di o zi ya chenu a nyɛ ya domi o ya wuti tiinnɛ ka o tum maga gbanko deŋli.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 16:5

Mu fun nu malaika ti ka o ŋɔ Koosa ni, “I waa naa ya bambi chaani tiina a vɛ kpak piili aa nyɛn, chenani i na tɛɛnɛ nɔ tim maga galimsa deŋlu.