Jɔn 17:17 - Tampulma

¹⁷ I sɛm naa mu fun kpa a biksi ba chen ya wutirɛ. Kisuŋi ba baa tiŋ i wuti nyinbaan ti a ta bur la lagmi tɛɛnɛ nɔ tim maga ni.

Jɔn 17:17 ပူးပေါင်းရင်းမြစ်များ

Luk 8:11

“Ma nyɛ mu ŋɔ ma jɛɛgi ti mun. Kiduha ti chi Koosa laaboor weri tirɛ.

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Jɔn 15:3

Chene o fun piin ya a chaksi ma tusa a li mu sɛm nawara mu fun sɛm ma ni.

Jɔn 17:19

Mu lisɛ mu titiu a li ba ni di mu tiŋ i tutɔ a sou a nyɛ ba, chen ni ba zi kotiu a tiŋ i wuti nyinbaan a ta bur la lagmi tɛɛnɛ nɔ tim maga ni.

Jɔn 8:32

Ma tiŋ nan, ma zi nu wuti tiu ka wuti ti yisi ma a li yosi ni.”

Jɔn 8:40

Ma bɔnɛ daŋni ma kpu minu, domi mu la ŋɔ ma wuti naa Koosa fun biksi min chen daha. Chen laata Abraham fun du.

Tuma 15:9

Koosa funɛ gil ba tum tagna a nyɛ ba domi ba se su o laaboor weri ti daha. Nan biksi ya di ya naa ya Ju tima awa ba naa vɛ ya Ju tima ya nibɛgimnɛ.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

Ɛfɛ. 4:21

Ba funɛ wa biksi ma o wɛ, ba funɛ ŋɔ o wuti tiu a nyɛ ma. Ma fun nu a la nɔɔni aa tiŋ un.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

2 Tɛs. 2:13

Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.