Jɔn 16:32 - Tampulma

³² Ma nu n wati. O wa zi vusi ka ma maga chɔ kaali ma damsa a ka min duŋduŋ, amaa mu nyan ti wa zi ya chen. O wa min zi nyɛnu.

Jɔn 16:32 ပူးပေါင်းရင်းမြစ်များ

Mat. 26:31

Yesu fun ŋɔ ba, “Ba funɛ sɔbiu a li Koosa sɛm tɔn ti ni, ‘Koosa zi wa kpu piisi nigbaŋiu ka o piisisi ta maga pisi dɔŋ ni.’ Dusum nɔ ma maga kaa wa pisiu a gil min.

Mat. 26:56

Chenani Koosa witinsi ta fun sɔbi saha digi a li o sɛm tɔn ti ni, chen la ya zinan.” Doone o gantɛl tiŋsi ta maga fun si chɔ kaali a ka un.

Maak 14:27

Yesu fun ŋɔ ba, “Ba funɛ sɔbiu a li Koosa sɛm tɔn ti ni, ‘Koosa zi wa kpu piisi nigbaŋiu ka o piisisi ta pisi dɔŋ ni.’ Dusum nɔ ma maga kaa wa pisiu a gil min.

Maak 14:50

Doone o gantɛl tiŋsi ta maga fun si chɔ kaali a ka un.

Jɔn 12:23

Yesu fun ŋɔ ba, “Saha telu di Koosa lisi a li o jirima awa chaani kinkan ni a nyɛ mu waa nibine be ni.

Jɔn 16:2

Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

Jɔn 16:25

“Kin naa mu ŋɔ ma a wɛ nan, o bɔmu wa ma zim a mun. Saha wau di mu zi wa biksi ma mu nyan ti wɛ gbampulim ni ka o ta bu bɔm ma ni.

Jɔn 16:31

Yesu fun ŋɔ ba, “Ma se sir su minuu?

Jɔn 19:27

Doone o fun ŋɔ o gantɛl tiŋna naa o daŋni kinkan chen, “Kinyini mu niin nɔ.” Saha ti kpa la, waa funɛ nyini un.

Jɔn 20:10

Doone Pita awa Yesu gantɛl tiŋ ti fun li dooni a kaali dama.

Jɔn 4:21

Yesu fun ŋɔ un, “Saha wau ba naa la jɛɛmi ya kunyan Koosa wa zi jɛɛmi un bi ti ni koo Jɛrusalɛm ni.

Jɔn 4:23

Saha telu nara ba naa la jɛɛmi Koosa wa wuti ni, zi jɛɛmi un chenu, domi o siim weri ti nyɛn ba bambe ni. Chene ya kunyana Koosa daŋni nara kijɛɛmi un.

Jɔn 5:25

Maa nu mu wati nɛnɛ. Saha ti piin telu di ba naa chi siwɛ ba tum tagna daha zi wa nu min, Koosa be, tau, ka mu zi wa lɛli bau a li ba sou ni.

Jɔn 5:28

Ma ta nyɛ chenani mu sɛmi chen jɛri ma. Saha wau ba naa maga ba fun huk chen zi nu mu tau a li wa.

Jɔn 8:16

Mu di nara sɛria, mu duŋduŋ wa zi di un. Mu kunyan Koosa naa funɛ tum min chen, zi gbaari min niu a di sɛria ti. Chendaha mu sɛria ti ya wutiu.

Jɔn 8:29

Naa funɛ tum min chen, wa gil mu duŋduŋ. Waa nyɛn min ni. Mu yaa tiŋ o tutɔu a la sɔɔni o tuha.”

Tuma 21:6

Ya fun chausi ba a bu zu arŋ ti ka ba bur kaali dama.

Tuma 8:1

Sɔɔl funɛ daŋni o sou. Saha ti kpa la, Ju tim ta fun nyɛ Yesu nitiŋɛ ba naa nyɛn Jɛrusalɛm ni, na namsi kinkan. Ba maga fun pisi a su Judia pulum awa Samaria pulum. Nitumɛ ta duŋduŋ funɛ ka a nyɛn Jɛrusalɛm ni.