Jɔn 16:20 - Tampulma

²⁰ Wutirɛ mu ŋɔ ma, mu bu vɛ wa nyɛn ma wati, tɛɛnɛ nɔ tim maga tusa zi wa sɔɔniu kinkan, amaa ma tusa ka zi wa chɔku kinkan. Ma tu chɔk ti wa zi wa vusi, amaa a zi wa ya tu sɔɔnau lalaga.

Jɔn 16:20 ပူးပေါင်းရင်းမြစ်များ

Mat. 21:38

O tumtumsi ta funɛ na o be ti, ba fun a ŋɔ dɔŋ ni, ‘Be nɔ nyana wa sou, o zi la o kina magau. Adaha ma nyɛ ya kpu un, chen ni ka o nyan ti wa sou, o kin ta zi burgi ya kinau.’

Mat. 5:4

Ba naa tusa chɔkɛɛ ba tum tagna daha, Koosa zi belimi bau a nyɛ ba tu sɔɔna.

Maak 14:72

Zimal fun vaan yeli bilɛ. Pita vaan lisi chenani Yesu fun ŋɔ un chen di o zi wa tɔ butorau di o wa un wa zim dɔŋa, ka zimal yeli bilɛ. Chenani maga o fun lisi zu o nyuha. Oo wi.

Maak 16:10

Mɛri fun la Yesu gantɛl tiŋsi ta wati. Ba tusa ha funɛ vɛɛn chɔk ka baa wi.

Luk 22:45

O funɛ la sumi Koosa peti chen, o fun a bur wa o gantɛl tiŋsi ta wati ka ba chɔ do. Ba tu chɔk kinkan funɛ nyɛ ba bara yɔɔriu.

Luk 22:62

Chenani maga o fun lisi zu o nyuha. O fun si li a la wi kinkan.

Luk 23:27

Zɛmɛ kinkan fun tiŋ Yesu gantɛl. Nihaan bɔnɛ funɛ nyɛn zɛmɛ ta ni aa wi kinkan chenani ba zi wa la ya un.

Luk 24:17

Yesu fun pɛɛsi ba, “Yɛrɛ maa val nyinbaan ni a la sɛm nan?” Yesu funɛ sɛm chen, ba chiŋi a dɔri ba se.

Luk 24:21

Ya funɛ kpak bambi bɛgimu waa la zi la Ju tim nyuuna a nyɛ ba. Wuzu butora gantɛl nɛɛ, kin nama maga fun ya.

Luk 6:21

Ma naa la daŋni kinkan di ma tiŋ Koosa tutɔ, o zi nyɛ ma tu sɔɔna lalaknɔ. Wuzu digi ma zi wa koti a tiŋ un hali a wa peti. Ma naa tusa chɔkɛɛ ma tum tagna daha, Koosa zi nyɛ ma tusa sɔɔniu lalaknɔ. Wuzu digi ma tusa zi wa sɔɔniu a la gali.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Jɔn 16:6

Mu ŋɔ ma kin nama wɛu ka a nyɛ ma tusa chɔk kinkan.

Jɔn 20:20

O fun pogli o nisa a biksi ba a burgi o chakpala di ba na. Ba funɛ zim di waa ya ba kunyan ti, ba tusa sɔɔni kinkan.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Room 5:11

Chen maga laatanɛ. Lalaknɔ Koosa ya ya jirima tiina ya kunyana Yesu Kristo naa nyɛ ya wa un ya nibɛgim daha.

2 Kɔr. 6:10

Ya tusa yaa chɔku a bu sɔɔni kinkan. Ya ya fara timwa, amaa ya suŋi nidamatau kinkan di ba wa zim Koosa. Nibinsa lisi di ya wa kpak kundɔŋ, amaa ya waa ka dɔ kina maga.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

1 Tɛs. 1:6

ka ma fun a tiŋ ya awa ya kunyan ti. Domi ma funɛ la nɔɔniu Koosa laaboor weri ti ni, nara funɛ muksi ma kinkan, amaa Koosa siim weri ti funɛ nyɛ ma tusa sɔɔniu kinkan.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

JɔnN Deesi 11:10

Sel zen ti wa kpu nara balɛ ta, tɛɛnɛ nɔ tim maga tusa funɛ sɔɔniu, domi ba nyɛ ba na namsiu kinkan. Ba funɛ zɔ zɔɔlɛu a kpa dɔŋa wa kina.

JɔnN Deesi 18:7

O funɛ kpak kin naa maga o daŋniu ka nara fun nyɛ un jirima kinkan. Ma nyɛ ba la namsi un lalaknɔ chen ni o tuha zi chɔku. O yaa kpa o titirɛ a ŋɔ, ‘Min ya koor nihaan. Mu wa ya luhaan naa tuha chɔkɛɛ.’